Sektore Publikoko Langileen Interes Gatazkak Prebenitzeko Legearen Aurreproiektuari buruzko aldez aurreko kontsulta publikoa
Epea: 2021/05/28 arte
Tramitea: Itxita Parte-hartzea, 2021eko apirilaren 28tik maiatzaren 28ra.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 133. artikuluan aurreikusitakoaren arabera, eta Gobernuari buruzko azaroaren 27ko 50/1997 Legearen 26.2 artikuluarekin lotuta, arauak egiteko prozeduran herritarren parte-hartzea hobetzeko helburuarekin, kontsulta publiko bat egiten da sektore publikoaren zerbitzuko langileen Interes Gatazkak Prebenitzeko Legearen aurreproiektuari buruz.
Ministro Kontseiluaren 2016ko irailaren 30eko Erabakian xedatutakoaren arabera (urriaren 3ko PRE/1590/2016 Aginduaren bidez argitaratu zen erabaki hori, eta ministerioetako sailen web-atarien bidez arauak egiteko prozesuan parte-hartze publikoa gaitzeko jarraibideak ematen ditu), herritarrek, erakundeek eta elkarteek, hala nahi izanez gero, kontsultan planteatutako alderdiei buruzko iritzia eman dezakete hilabeteko epean, eta, kasu honetarako, 2021eko maiatzaren 28ra arte egongo da irekita, postontzi elektroniko honen bidez: secretaria.oci@correo.gob.es.
Aurkeztutako alegazio-idazkietan honako hau adierazi beharko da:
- Alegazioak sinatzen dituen pertsona fisiko edo juridikoaren izen-abizenak eta/edo sozietate-izena, baita parte hartzen duen erakunde edo elkartearen izen osoa ere, hala badagokio.
- Harremanetarako datuak, eta horien artean, bereziki, helbide elektronikoa.
- Bidalitako mezu elektronikoko “gaia” eremuan argi adieraztea alegazioen idatzia aurreproiektu honen kontsulta publikoari buruzkoa dela.
Azkenik, adierazten da igorlea identifikatuta dagoen alegazio-idazkiak soilik hartuko direla kontuan.
Oro har, jasotako ekarpenak jendaurrean zabaltzeko modukoak izango dira. Bidalitako informazioaren zati batzuk, interesdunen iritziz konfidentzialtasunez erabili behar direnak eta, ondorioz, zabalkunde librerik behar ez dutenak, berariaz adierazi behar dira ekarpenaren testuan bertan, eta ez dira kontuan hartuko informazioaren konfidentzialtasunari buruzko mezu generikoak.
53/1984 Legea, abenduaren 26koa, administrazio publikoetako langileen bateraezintasunei buruzkoa, administrazio publikoetako langileen bateragarritasun-araubidea arautzen duena.
Abenduaren 26ko 53/1984 Legea indarrean jarri zenetik igarotako urteek agerian utzi dute lege horretako manuetako batzuk aldatu beharra, egungo Administrazioaren eskakizunetara egokitzeko, zorrotzagoa baita, eta interes-gatazkak prebenitu eta kudeatzeko sistema bat ezarri behar baita, bigarren jarduera bat gauzatzeari aplikatu beharreko mugetara soilik bideratuta ez dagoena. Bestalde, jarduera profesionalak emateko modu berriak agertu direnez, modu espezifikoan jasoko dituen erregulazioa egin behar da. Halaber, Europako Kontseiluko Ustelkeriaren Aurkako Estatuen Taldeak (GRECO) osotasun publikoa sustatzeari buruz emandako gomendioak bete nahi dira.
Abenduaren 26ko 53/1984 Legea indarrean jarri zenetik igarotako denboraz eta administrazio publikoetan interes-gatazkak prebenitzeko eta kudeatzeko sistema berriak ezartzeko beharraz gain, egungo bateraezintasun-araubidearen aldaketa sartu da Gobernu Irekiaren IV. Planean (Zintzotasun Ardatza), gizartearen egungo eskakizunekin bat datorren jardun-esparru berri bat ezartzeko.
Bestalde, araudi hori aldatzea administrazio publikoetako hainbat sektoretan sortzen ari den eskaera da.
- Sektore publikoko langileen interes-gatazkak eta bateraezintasunak prebenitzeko sistema berri bat ezartzea.
- Indarrean dagoen araudian jasota ez dauden jarduera profesionalak emateko modu berriak arautzea.
- Bateraezintasun-erregimenetik salbuetsitako jarduerei buruzko araudi berria ezartzea.
- Zerbitzu aktiboaz besteko administrazio-egoeretan jarduera pribatuak egiteko mugak ezartzea.
- Behin-behineko langileentzat interes-gatazkak prebenitzeko sistema berri eta zorrotzagoa ezartzea.
Ez dira jaso, bateraezintasunen araubidea oinarrizko lege batean araututa baitago; beraz, hura aldatzeko ere tratamendu bera behar da.
1. Oro har.
- Zure ustez, egokiak al dira Administrazio Publikoetako Langileen Bateraezintasunei buruzko abenduaren 26ko 53/1984 Legean ezarritako mugak langile publikoen osotasuna, inpartzialtasuna eta independentzia bermatzeko?
- Muga gehigarriak ezarri beharko liratekeela uste duzu?
2. Bateraezintasuna bigarren jarduera publikoarekin.
- Jarduera publikoekiko egungo muga erregimena egokia dela uste duzu?
- Zure ustez, posible izan beharko litzateke, kasu jakin batzuetan, bigarren jarduera publiko batekiko bateragarritasuna, erantzukizun-maila baxuagoa duten lanpostuetarako eta, betiere, bi lanpostuetako betebeharretan murrizketarik egongo ez balitz?
3. Jarduera pribatuarekiko bateraezintasuna.
- Zure ustez, jarduera pribatuak mugatzeko egungo sistemak betetzen al du lanpostu publikoarekin talka egingo duten jarduera pribatuak saihesteko helburua?
- Zure ustez, Administrazio Publikoetako Langileen Bateraezintasunei buruzko abenduaren 26ko 53/1984 Legearen 16. artikuluko egungo arauaren ordez beste bat ezarri beharko litzateke?
5. Salbuetsitako jarduerak
- Zure ustez, egungo 19. artikuluak bateragarritasuna aitortzetik salbuetsita egon behar duten jarduera guztiak jasotzen ditu?
6. Behin-behineko langileak.
- Zure ustez, behin-behineko langileek goi-kargudunen interes-gatazkak prebenitzeko arau berberak bete behar dituzte?
- Zure ustez, behin-behineko langileen curriculum vitaea, eginkizunak eta ordainsariak modu aktiboan argitaratu behar dira?
7. Kargua uzteko bateraezintasunak
- Zure ustez, mugak ezarri behar dira jarduera pribatuetan aritzeko, goi-kargudunak ez diren eta eszedentziara edo erretirora igarotzen diren langileen kasuan?
8. Azkenik, zure ustez, zer beste gai jaso beharko lirateke aurreproiektuan sektore publikoko langileen interes-gatazken prebentzioa indartzeko?
