- a) Estatuaren Administrazio Orokorraren eta autonomia-erkidegoetako organo eskudunen arteko lotura-puntua izatea hizkuntza-politikaren alorrean.
- b) Estatuaren Administrazio Orokorreko ministerio-sailen eta haiei lotutako edo haien mendeko organismo eta erakunde publikoen jarduerak aztertzea, herritarren hizkuntza-eskubideak bermatzeko hizkuntza ofizialak erabiltzeari dagokionez.
- c) Estatuko Administrazio Orokorraren organoen koordinazioa erraztuko duten jarraibide eta irizpide orokorrak proposatzea.
- d) Ministroen Kontseiluari proposatzea, Lurralde Politikako eta Memoria Demokratikoko Ministerioaren bidez, Estatuko Administrazio Orokorrak eta hari lotutako edo haren mendeko organismo eta erakunde publikoek oro har eta haien jarduera-eremu espezifiko bakoitzean hizkuntza ofizialak aitortzeari eta erabiltzeari dagokionez bete beharreko proposamenak, antolamendu-neurriak, jarduera-planak edo helburuak onartzea, irisgarritasuna bermatuz eta irtenbide digitalen garapena eta integrazioa sustatuz.
- e) Hizkuntza ofizialen arloko arau-ekoizpenaren eremuan, Estatuaren Administrazio Orokorraren mendeko edozein ministerio-sailek eta organismo publikok izapidetutako arau-proposamenei buruzko txostenak egitea, eta autonomia-erkidegoek Estatuaren Administrazio Orokorraren eremuko hizkuntza ofizialen arloan eragina duten arau-ekimenen berri izateko behar den informazioa ematea.
- f) Eztabaida-foro bat izatea, hizkuntza ofizialen arloan eskumenak dituzten administrazioek arlo horri buruzko gaiak proposatu ahal izan ditzaten; zehazki, Europako Kontseiluko Eskualdeetako edo Eremu Urriko Hizkuntzen Europako Gutuna bultzatu eta jarraitzea. Halaber, foro bat izatea Espainiako hizkuntza-modalitateek kultura-ondare gisa duten egoera aztertzeko.
- g) Espainiako gizartean eleaniztasunaren balioen zabalkundea sustatzea eta helburu hori lortzen lagunduko duten neurrien ezarpena indartzea.
- h) Estatuaren Administrazio Orokorrean hizkuntza ofizialak erabiltzeko indarrean dagoen legeriaren ezarpen praktikoari buruz autonomia-erkidegoek egin ditzaketen oharpenak aztertzea, hizkuntzaren errealitatean izan daitezkeen eraginak aurreikusteko, identifikatzeko eta ebaluatzeko.
