Atal honetan, hobi komunen kokapena eta Espainiako Gerran (1936–1939) eta diktadura frankistan lurperatutako pertsonei buruzko datuak ezagutzeko tresnak emango dizkizugu. Pertsona horietako asko indarrez atera zituzten beren etxeetatik, eta haien familiek ez zuten sekula ezer jakin non zeuden.
Atal honekin eta honi lotutako baliabideekin, haien historia berreskuratu, non dauden argitu eta, batez ere, duintasuna itzuli nahi diegu.
Estatuko mapa
Hobien Estatuko Mapa tresna publikoa da, eta Ministerio honek egiten du memoria demokratikoa berreskuratzeari lotutako autonomia-erkidegoekin, unibertsitateekin, elkarteekin, fundazioekin edo erakundeekin lankidetzan.
Tresna bizia da, apurka-apurka eguneratzen delako, eta hobien eta hobietan ehortzitako biktimen datuak ematen dituelako.
Ikus-entzunezko mapa
Ikus-entzunezko mapa Ministerio honen eta Radio Televisión Españolaren (RTVE) ekimen bateratua da. Espainiako Gerraren (1936–1939) eta frankismoaren hobiei buruzko informazioa RTVEren artxibotik datozen ikus-entzunezko materialekin konbinatuko duen mapa multimedia interaktiboa sortzea du helburu.
Hemen deskarga dezakezu lankidetza hau arautzen duen hitzarmena
