2021ean bezala, 2022ko bigarren deialdi honetan ere, funtsak toki-entitateei banatzeko, dirulaguntzen deialdi bat egin da (ez-lehiakorrak). Deialdi hori Ekonomia Gaietako eta Transformazio Digitaleko Ministerioarekin elkarlan estuan kudeatu da, haren eremu materiala kontuan hartuta, eta modernizazio eta transformazio digitala du helburu, Suspertze, Transformazio eta Erresilientzia Planaren (PRTR) esparruan. Ildo horretan, guztira 3.336.235,08 euroko deialdia egin zaie 50.000 biztanle baino gehiago dituzten udalerrietako udalei, bai eta probintzia-hiriburutzat hartzen diren biztanle gutxiago dituzten udalerriei ere, baldin eta azaroaren 3ko TER/1204/2021 Aginduaren bidez esleitutako gehieneko zenbatekoko proiekturik aurkeztu ez badute, agindu horretan aurreikusitako baldintzetan. Diseinatzerakoan, toki-entitateen irizpidea hartu da kontuan, Udalerrien eta Probintzien Espainiako Federazioaren eta Toki Administrazioaren Batzorde Nazionalaren bitartez helarazia.