Oinarrizko araudia: 39/2015 Legea, urriaren 1ekoa, Administrazio Publikoen Administrazio Prozedura Erkidearena, 113. artikulutik 120. artikulura eta 125. eta 126. artikuluak.

Hasteko modua: Interesdunaren eskaera, urriaren 1eko 39/2015 Legearen 115. artikuluko baldintzak betetzen dituena, kausa hauetako batean oinarritu behar dena:

• Egintzak ematerakoan egitezko errakuntzaren bat izan eta espedienteari erantsitako agiriak ikusita jabetzea.

• Gaia ebazteko funtsezko agiriak agertzea, ebazpenaren ondoren izan arren, eta agiri horiek errekurtsoa jarri zaion ebazpenean akatsen bat dagoela agerian uztea.

• Ebazpena ematerakoan funtsezko eragina izan duten zenbait agiri edo lekukotasun, epai irmo batek, ebazpenaren aurretik edo ondoren, faltsuak direla adieraztea.

• Prebarikazio, funtzionario-eroskeria, indarkeria, iruzurrezko azpikeria edo bestelako jokabide zigorgarri baten ondorioz ematea ebazpena, eta epai judizial irmo batek hala aitortzea.

Aurkezteko epea:

• Lehenengo kasuan, aurkatutako ebazpenaren jakinarazpena egin zenetik hurrengo lau urteko epearen barruan.
• Gainerako kasuetan, epea hiru hilabetekoa izango da, dokumentuen berri izaten denetik edo epai judiziala irmoa denetik hasita.

Aurkezteko modua:

• Telematikoki egin daiteke, Estatuko Administrazio Orokorraren erregistro elektronikoa.
• Aurrez aurre aurkeztu nahi izanez gero, deskargatu inprimaki hau eta aurkeztu Ministerio honen erregistro-bulegoetan edo Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusitako edozein bideren bitartez.