Haren eginkizunak 2005eko azaroaren 25eko funtzionamendu arauetan aurreikusitakoak dira:

• Alde anitzeko instantziarik ez duten ekimen eta gaiei buruzko akordioak aztertu, eztabaidatu eta, hala badagokio, lortzea.
• Alde biko ikuspegitik, bi aldeen intereseko ekimen bateratuak egitea ahalbidetzen duten lankidetza-tresnak bultzatzea eta zehaztea.
• Autonomia-erkidegoari eginkizunak eta zerbitzuak nola eskualdatzen zaizkion aztertzea, bai dagoeneko hitzartuta dauden arazoetan konponbideak proposatzeko, bai eskualdaketa berrien lehentasuna eta negoziazio-egutegia ezartzeko.
• Eskumenei buruzko eztabaidak formalizatzea ekidingo duten aurreneurrizko jarduketen bidea izatea.
• Eskumen-gatazka positiboak eta konstituzio-kontrakotasuneko errekurtsoak prozesutik kanpo ebazteko aukera emango duten jarduketak aztertzea eta, hala badagokio, adostea.
• Konstituziokontrakotasun-errekurtsoa aurkeztea eragin dezaketen lege-mailako arauak aztertzea, errekurtsoa jartzea saihesteko akordio batera iristeko, KALOren 33.2 artikuluan ezarritakoaren arabera.