Urriaren 29ko TMD/1217/2024 Aginduaren bidez, Aldebiko Lankidetza Batzordearen Funtzionamendurako Barne Araudi berria argitaratu zen (BOE zk. 267, 2024ko azaroaren 5ekoa), 2024ko urriaren 28ko bileran erabakitakoa. BOEn argitaratu eta hurrengo egunean jarri zen indarrean. Funtzionamenduko Barne Araudian aurreikusten den esparruan, Aldebiko Batzordeak aholkua emateko eta akordioak hartzeko eginkizunak beteko ditu, baldin eta akordio horien helburua bada Euskal Autonomia Erkidegoari modu berezian eragiten dioten gaietan administrazioen arteko koordinazioa hobetzea, eta bereziki:

a) Bi alderdien artean planteatutako edozein eratako eztabaidak eta, hala badagokio, horiek ebazteko eta, hala badagokio, Autonomia Estatutua aplikatzeko eta interpretatzeko neurriak proposatzea, Konstituzio Auzitegiaren eta Justizia Auzitegien berezko jurisdikzioari kalterik egin gabe.

b) Eginkizunak eta zerbitzuak Autonomia Erkidegoari eskualdatzea aztertu eta bultzatuko du; eskualdaketa berrien negoziaziorako lehentasuna eta egutegia ezarri ahal izango ditu.

c) Europako politikaren jarraipena egitea, Euskal Autonomia Erkidegoak Europar Batasuneko gaietan duen parte-hartzearen eraginkortasuna bermatzeko, bereziki Estatuaren jarreraren eraketan, Erkidegoko politika erkideen eta Autonomia Erkidegoko araubide ekonomiko eta fiskalean eragin zuzena duten arauen diseinuari eta aplikazioari dagokienez.

d) Zeinek bere eskumenak gauzatzean, parte hartzea, informatzea, lankidetzan aritzea eta koordinatzea.