lurralde-taldeek parte-hartze handiagoa izatea Europaren martxan, mugako eskualdeak garatzea eta lurralde-erakunde guztien arteko lankidetza handiagoa bilatzea eskualde-, hiri- eta landa-garapenean, ingurumenaren babesean edo azpiegitura partekatuen hobekuntzan, besteak beste.

1981eko maiatzaren 21ean, erkidegoen edo lurralde-agintarien arteko mugaz gaindiko lankidetzari buruzko Europako Esparru Hitzarmena onartu zen Madrilen, Madrilgo Ituna ere deitua, eta lankidetza horretarako oinarri juridikoa da. 1981eko abenduaren 22an sartu zen indarrean modu orokorrean, eta handik aurrera hasi ziren estatu kideak hura berresten. Esparru Hitzarmena 1990eko azaroaren 25ean jarri zen indarrean Espainian, berretsi ondoren.

Esparru Hitzarmenaren babesean, mugaz gaindiko lankidetza arautzen duten nazioarteko bi tratatu sinatu ditu Espainiak: Baionako Ituna Frantziarekin, 1997tik indarrean dagoena, eta Valentziako Ituna Portugalekin, 2004tik indarrean dagoena.

Urte hauetan hirurogei hitzarmen baino gehiago sinatu dira. Batzuk soilik tokikoak dira (27); beste batzuk soilik eskualdekoak (22); batzuk erregio- eta toki-izaera mistoa dute (11), eta bi erregio-hitzarmen autonomia-erkidego batek baino gehiagok sinatu dituzte. Espainiaren eta Frantziaren arteko Itunaren babespean sinatutako hitzarmenak 33 dira guztira; Espainiaren eta Portugalen arteko Itunaren arabera sinatutako 29 hitzarmenak baino zertxobait gehiago.

Bestalde, azpimarratu behar da 2004. urtetik aurrera mugako estatuen (Frantzia, Portugal eta Maroko) arteko aldebiko goi-bileretan autonomia erkidegoek ere parte hartzea bultzatu dela.