Estatu mailako eta nazioarteko ikerketa proiektu lehiakorretan parte hartu du.

Irakasle eta ikertzaileen Enpresa Batzordeko eta Unibertsitateko Gobernu Kontseiluko kide izan da. Diputatuen Kongresuko diputatua 2019ko azarotik gaur arte, XIV eta XV legealdietan. Ekonomia, merkataritza eta eraldaketa digitalaren batzordean bozeramailea da. Diputazio Iraunkorreko kide da, eta Ogasun eta Aurrekontu batzordeetako kide ere bada.

Hogei bat legeren txostengilea izan da, besteak beste, Pedro Sánchezen Gobernuaren Estatuko Aurrekontu Orokorren lege guztiena, enpresak sortzeko eta hazteko legearena, konkurtso-legearen testu bategina erreformatzeko legearena, gorabidean dauden enpresen (startup-en) ekosistema sustatzeko legearena, Balore Merkatuen eta Inbertsio Zerbitzuen legearena, kapital-sozietateen legearena edo Ikus-entzunezko Komunikazioaren Lege Orokorrarena.

Halaber, txostengile gisa parte hartu zuen Kantabriako Autonomia Estatutuari buruzko abenduaren 30eko 8/1981 Lege Organikoaren azken erreforman.

Kantabriako PSOEko idazkari nagusia da 2025eko martxotik.

POSEko Exekutiba Federaleko Politika Ekonomikoko eta Transformazio Digitaleko idazkaria izan da 2021etik 2024ra, eta Azpiegitura, Garraio, Etxebizitza eta Lurralde Antolamenduko idazkaria 2017tik 2021era.

PSOEko Batzorde Federaleko kide ere izan da 2014tik 2017ra.

Santanderreko PSOEko idazkari nagusia izan da 2014tik 2025era, eta Kantabriako PSOEko Ekonomia eta Enplegu idazkaria 2008 eta 2017 artean.

Santanderreko alkategai izan da 2015ean eta 2019an. Santanderreko Udaleko zinegotzia izan da 2013tik 2020ra, eta Udal Talde Sozialistaren bozeramailea 2015etik 2020ra