• Energia Dibertsifikatzeko eta Aurrezteko Institutuak 0 kostuko maileguak ematen dizkie Mendarori eta Debagoieneko mankomunitateko zortzi udalerriei
• Marisol Garmendia: “Trantsizio Ekologikorako eta Erronka Demografikorako Ministerioaren laguntza horiei esker, nabarmen hobetuko da herritarrentzako funtsezko zerbitzu baten eraginkortasuna eta iraunkortasuna”

Energia Dibertsifikatzeko eta Aurrezteko Institutuak (IDAE) onartu du Espainiako beste herri batzuen arteko bi euskal proiekturi diru-laguntzak ematea udal-kanpoko argiztapen-instalazioak berritzeko proiektu berezietarako. Zehazki, IDAEk 3,7 milioi euroko maileguak ematen dizkio 0 kostuan Debagoieneko mankomunitateari (zortzi udalerrik osatzen dute mankomunitatea) eta 500.000 euro Mendarori.

Marisol Garmendia Espainiako Gobernuak Euskal Autonomia Erkidegoan duen ordezkaria pozik agertu da laguntza horiek jasotzearekin, “hobekuntza nabarmena ekarriko baitute kale eta bideetako argiteriaren eraginkortasunean eta jasangarritasunean. Jaurlaritzak gizarte ekologikoago baterako trantsizioaren alde egin duen apustua argia da eta udal horientzako kosturik gabeko mailegu hauek, dagoeneko Espainiako gainontzeko beste asko, hala berresten dute".

Laguntza-eskatzaileen proposamenak ebaluatu ondoren, IDAEk, Oinarri Arautzaileetan eta Deialdian ezarritako ebaluazio-irizpideak aplikatuz, Gipuzkoako bi proiektu horiek onartzea ebatzi du. Horretarako, guztira 4,2 milioi euroko laguntzak ematea proposatzen du. Horrela, Mendaro, Bergara, Elgeta, Antzuola, Oñati, Mondragon-Arrasate, Aretxabaleta, Eskoriatza eta Leintz Gatzagako udalerrietan bizi diren 60.000 biztanletik gora, laster, kanpoko argiztapenaren modernizazioaz eta kalitate handiagoaz baliatuko dira.