Manacorren, Mallorcan, epaitegien eraikin berria eraikitzeko lanak egitea baimentzen duen erabakia onartu du Gobernuak

Obrak premiazkoak eta aparteko interes publikokoak dira, batetik, orain eraikin batean eta errentan hartutako bi lokaletan dauden epaitegiak eraikin bakar batean bildu behar direlako eta, bestetik, araudi tekniko galdagarriari buruz dituzten akatsak konpondu behar direlako

Ministroen Kontseiluak gaurko bileran onartu du Manacorren (Pilar kalea z/g, Mallorca, Balear Uharteak) Epaitegien eraikin berria eraikitzeko lanak egitea baimentzen duen erabakia.

Justizia ministroak 2023ko abuztuaren 29ko Aginduaren bidez deklaratu zuen obrak presakoak direla eta aparteko interes publikoa dutela. Horren arrazoia da orain eraikin batean eta errentan hartutako bi lokaletan dauden epaitegiak eraikin bakar batean bildu behar direla eta haiek eskatzen den araudi teknikoan dituzten akatsak konpondu behar direla. Arrazoi horiengatik justifikatzen da aipatutako arazo horiei irtenbidea emango dien eta dauden organo judizial guztientzako gaitasuna izango duen epaitegien eraikin berri bat eraikitzeko beharra, hazkunderako tarte bat emanez.

Obren presa eta aparteko interes publikoa ikusita, Etxebizitza eta Hiri Agendako Ministerioak Ministro Kontseiluari proposatu dio obrak egitea erabaki dezala eta Manacor udalerrian indarrean dagoen hirigintza-planeamendua aldatzeko prozedura hastea agindu dezala, egin beharreko obren ezarpenak eragindako azalerari modu zehatzean aplikatze aldera.