Enplegu bulegoak berritzeko 15 milioi euro bideratzea onartu du Ministroen Kontseiluak

Ministroen Kontseiluak, Lan eta Gizarte Ekonomiako Ministerioak proposatuta, diru-laguntzen deialdia onartu du, Estatuko Enplegu Zerbitzu Publikoko (SEPE) langileekin bulego-instalazioak berritzea finantzatzeko; guztira, 15.000.000 euro.

Funtsak 2023ko ekitaldian gauzatuko dira, Estatuko Enplegu Zerbitzu Publikoaren gastu-aurrekontuaren kargura. 2020- 2023 aldian 45.000.000 euro inbertitu dira bulego horiek berritzeko.

Diru-laguntzaren helburua

Inbertsioari esker, enplegu-bulegoetako instalazio, zentro eta areto berriak zein lehendik daudenak berritzeko, egokitzeko eta erabat edo partzialki konpontzeko lanak egin ahal izango dira.

Dirulaguntza horien onuradunak autonomia-erkidegoetako enplegu-bulegoen titularrak diren administrazioak edo titulartasuna eskura dezaketenak dira.

Autonomia-erkidegoek enplegu-bulegoak mantentzeko eta berritzeko erantzukizuna dute; izan ere, sarearen titulartasuna dute, lan-kudeaketaren, enpleguaren eta enplegurako lanbide-heziketaren arloko eginkizunak eta zerbitzuak eskualdatuta, beren instalazio, altzari eta ekipamenduekin. Gune horietan sartzen dira, halaber, Estatuko Enplegu Zerbitzu Publikoaren prestazio-bulegoak, zeinak laguntzen baitu haiek modernizatzen dagozkien deialdietan banatzen diren funtsen bidez.