Angel Victor Torres Lurralde Politikako eta Memoria Demokratikoko ministroa izan da Toki Administrazioko Batzorde Nazionalaren (CNAL) bileraren buru, Maria Jesus Montero Gobernuko lehen presidenteorde eta Ogasun ministroarekin batera.

Espainiako Udalerrien eta Probintzien Federazioaren (FEMP) ordezkaritzaren buru Maria Jose Garcia-Pelayo presidentea izan da.

Bai ministroak, bai Gobernuko lehen presidenteorde eta Ogasun ministroak azpimarratu dute udalek inoizko baliabide handienak jasoko dituztela datorren urtean, zehazki, 29.246 milioi euro 2026an konturako ekarpen gisa, hau da, 2025ean baino %8,7 gehiago.