Espainiako Gobernuak Nafarroako autogobernuarekin duen konpromisoa balioan jarri du Alfredo Gonzalez Lurralde Politikako estatu idazkariak, “marko konstituzional eta estatutarioaren barruan”. “Gobernu honek Administrazioen arteko elkarrizketaren eta lankidetzaren maximoaren pean gobernatzen du”, adierazi du.
Alfredo Gonzálezek, Lehendakaritzako, Berdintasuneko, Funtzio Publikoko eta Barneko kontseilari eta lehen lehendakariorde Javier Remírezekin batera, Estatuko Administrazioaren eta Nafarroako Foru Komunitatearen arteko Transferentzien Batzordearen buru izan da. Batzorde horrek ibilgailu motordunen trafikoaren eta zirkulazioaren arloko funtzio eta zerbitzuen eskualdaketa baliozkotu du. Akordio horrekin, adierazi duenez, “Nafarroako Autonomia Estatutuaren 49.3 artikuluan aurreikusitakoa betetzen dugu”.