Gobernuak COVID-19ak eragindako osasun-krisiari aurre egiteko administrazio publikoetako telelanaren arloko presako neurriei eta Osasun Sistema Nazionaleko giza baliabideei buruzko Errege Lege Dekretua onartu du, enplegu publikoan telelana arautzen duena, haren funtzionamendu normala ziurtatzeko eta lana antolatzeko eta egituratzeko modu berri bat bultzatzeko, interes orokorrei ahalik eta zerbitzu onena emateko.

Helburua da oinarrizko arau-esparru nahikoa eratzea administrazio publiko guztiek telelana arautzeko beren tresna propioak garatu ahal izan ditzaten beren eskumen-esparruetan, kontuan hartuta, halaber, lan-kontratudun langileen kasuan, Estatuak lan-legeriari buruz duen eskumena.