Ángel Víctor Torres: "Askatasuna eta demokrazia zaintzea, mantentzea eta defendatzea funtsezkoa da, inoiz berriro gal ez dadin"

27/11/2023

Memoria Demokratikoaren aldeko Nazioarteko Zinemaldiaren VII. edizioaren aurkezpena Zinema Akademian, Lurralde Politikako eta Memoria Demokratikoko ministroak Rozalén abeslariari Memoriarekiko konpromisoa aitortzen dion saria emanez.

Academia del Cine, Madril

Lurralde Politikako eta Memoria Demokratikoko ministro Angel Victor Torresek Memoria Demokratikoaren Aldeko VII. Zinemaldiaren aurkezpenean nabarmendu duenez, "Espainiako Gobernuak hori babesten jarraituko du, funtsezkoa baita berreskuratzea hainbeste kostatu zitzaiguna eta gal ez dadin lan egin behar duguna zaintzea, mantentzea eta defendatzea; askatasuna eta demokrazia, alegia".

Angel Victor Torresek Lola Gonzalez Ruiz saria eman dio Rozalem abeslariari, eta bere sentsibilitate artistiko eta humanoa eta askatasunarekiko konpromisoa aitortu zizkion.

Ministroarekin batera izan dira Fernando Martinez Lopez Memoria Demokratikoaren Estatu idazkaria, Fernando Méndez-Leite Zinema Akademiako presidentea, Carlos Olalla Zinemaldiko zuzendaria eta Amparo Climent Artea eta Memoria Elkarteko presidentea.