Joan edukira

Nazismoaren biktima espainiarrak omentzeko eta oroitzeko ekitaldia

04/05/2021
Nazismoaren biktima espainiarrak omentzeko eta oroitzeko ekitaldia

Carmen Calvo Gobernuko lehen presidenteorde eta Presidentetzako, Gorteekiko Harremanetako eta Memoria Demokratikoko ministroa izango da asteazken honetan, maiatzak 5, nazismoaren biktima espainiarren omenezko eta oroimenezko ekitaldiaren buru, Jose Luis Abalos Garraio, Mugikortasun eta Hiri Agendako ministroarekin eta Fernando Martinez Memoria Demokratikoko Estatu idazkariarekin batera.

Ministerio berriak, Madril

Ekitaldia 12:30ean izango da Memorialean, Madrilgo Ministerio Berrien lorategietan dagoen Mauthausenen eta beste kontzentrazio-esparru batzuetan deportatutako eta hildako espainiarren eta nazismoaren biktima guztien omenez.

Omenaldia hasteko, Rosa Montero kazetari eta idazleak "Mauthausenen zina" irakurriko du. Aske geratu eta egun gutxira sinatu zuten testu hori kontzentrazio esparru horretatik bizirik atera zirenek. Bertan, ikusitakoa eta sufritutakoa kontatzeko konpromisoa hartu zuten, baita injustiziaren aurka eta nazioarteko elkartasunaren alde borrokatzekoa ere.

Testu hori irakurri ostean, Carmen Calvok eta Amical de Mauthausen erakundeko presidenteorde Concha Díazek lore eskaintza egingo dute, eta, aurretik, biek hitz egingo dute.

Ekitaldiari amaiera emateko, Rocío Cabello biolinistak "Los soldados del pantano" interpretatuko du.

Komunikabideentzako estaldura:

Estaldurarako interesa duten komunikabideek akreditazio nazionala@comunicacion.presidencia.gob.es posta elektronikoan egiaztatu behar dute, maiatzaren 4ko (asteartea) 19:00ak baino lehen. Akreditazio-eskaerak izena eta bi abizen izan behar ditu, NAN edo pasaportearen zenbakia, eskatzailearen informazio-bitartekoa eta bertan egiten duen jarduera.

EGUNA: Maiatzak 5, asteazkena

ORDUA: 12,30ean.

TOKIA: Ministerio Berrien lorategia.

Castellana pasealekua, 63 (Madril)