Industria eta Turismo Ministerioak 2 milioi euroko behin-behineko esleipena egin dio egoitza Tuteran duen Aceite Urzante enpresa nafarrari, Nekazaritzako Elikagaien PERTEren bigarren deialdiaren barruan. Herrialde osoan, ia 25 milioi euroko 34 laguntza berri eman dira diru-laguntzetan, eta 10 autonomia erkidegotan egin dira jarduerak. Esleipen berri horiekin itxiko litzateke PERTE Agroko bigarren deialdia.

Proiektuak askotarikoak dira: energia-iturri jasangarriak ezartzea, ekoizpen-lerroak modernizatzea eta nekazaritzako elikagaien fabrikazioan eraginkortasuna berritzea. Zehazki, olioa ekoizteko energia iturri berri jasangarriagoak ezartzea aurreikusten du Urzanteko proiektuak.

PERTE horren helburua da nekazaritzako elikagaien sektorearen lehiakortasuna eta erresilientzia indartzea Espainian, kalitatezko enplegua eta enpresen lurralde-errotzea bultzatuz, bereziki enpresa txiki eta ertainetan pentsatuz.

PERTE Agroren lehen deialdiak 182 milioi euro esleitu zizkien 286 proiekturi, eta 224 enpresari dagozkie. Esleipen berriekin, PERTE Agroren bigarren deialdiak 97,88 milioi euro eman dizkie 138 proiekturi.

Esleipenen eta enpresa onuradunen zerrenda osoa hemen ikus daiteke: Industria eta Turismo Ministerioaren Laguntza Ataria.