Francisco Martin Aguirre Gobernuak Madrilgo Erkidegoan duen ordezkariak Gurutze Gorriaren Operazio eta Zerbitzu Digitalen Zentroan dituen bitartekoak eta lan egiteko modua ikusi ahal izan ditu GKEak Madrilen duen bulego nagusira egin duen gaurko bisitan.

Zentro horretan, segimendu-, koordinazio- eta laguntza-lanak egiten dira larrialdi-operazioetan; kirol-, jolas- eta kultura-ekitaldietako eta herriko jaietako prebentzio-zerbitzuak koordinatzen dira; anbulantziak bidaltzen laguntzen zaio SUMMA 112ri; telelaguntza-zerbitzuak eta genero-indarkeriaren biktimei zuzendutako ATENPRO babes-zerbitzuak ematen dira, eta suizidioaren prebentzio-lerroari erantzuten zaio, besteak beste.

Francisco Martinek Gurutze Gorriko presidente Maria del Mar Pageo Gimenezekin, idazkari nagusi Asuncion Montero Fuentesekin eta koordinatzaile nagusi Maria Angeles Cacereño Ibañezekin batera egin du ibilbidea, eta haiekin ere bilera bat izan du, gai interesgarriak jorratzeko eta garatutako jarduerak errepasatzeko.