Migratzaileen defentsan egiten duten ahalegina "pobrezia, jazarpena edo bidegabekeria pairatzen dutenei harrera egiteko Txileko tradizio horren jarraipena da". Jarduneko ministro Dolores Delgado omenaldian izan da, eta ospakizun hori dela-eta Diputatuen Ganberan egin den ekitaldian ere parte hartu du. Gainera, "Winnipeg" ontzian bidaiatu zuten eta Txilera iritsi zirenean gorde zituzten haurrek zeramatzaten jostailuetako batzuk biltzen dituen erakusketa bisitatu du.

Valparaison, Sotomayor Plazan egindako omenaldian parte hartzen du Dolores Delgadok. Itsasontzia Prat Kairaino iritsi zela irudikatu da han, eta Pablo Nerudaren balentria ekarri du gogora. Nerudak, Txileko Errepublikako orduko presidenteak, Pedro Aguirrek, eskatuta, lan diplomatiko handia egin zuen, eta, azkenean, "Winnipeg" iritsi zen. Erbesteratuen artean "komunistak, sozialistak, anarkistak, nazionalistak eta Espainiako hainbat tokitako errepublikanoak zeuden, eta horiei elkartasun-konpromiso sendoa eta konbikzio antifaxista sakonak batzen zizkien", adierazi du Delgadok, eta azpimarratu du "Winnipeg" delakoak "batasunaren, elkarrizketaren eta lankidetzaren ikur" izaten jarraitzen duela, Txile eta Espainia lotzen dituen anaitasun-harremanen lekuko izateaz gain.