• Marisol Garmendiak dio laguntza horien bidez “energia-segurtasuna eta -autonomia bermatu, gure lehiakortasuna handitu eta industria deskarbonizatu” nahi dela
• RENOVAL programak balio-katea eta garapen industriala sendotzen lagunduko du lurraldearen zati handi batean, proiektuak 12 autonomia-erkidegotan egongo baitira
• Zuzkidura 33 proiekturen artean banatuko da Espainia osoan. Proiektu horiek eguzki-panelak, turbina eolikoak, bero-ponpak, bateriak, hidrogeno berdea ekoizteko elektrolizagailuak eta teknologia horien funtsezko osagaiak fabrikatzea sustatuko dute

Trantsizio Ekologikorako eta Erronka Demografikorako Ministerioak (MITECO) energia berriztagarrien garapen teknologiko eta industrialerako funtsezkoak diren ekipoak eta osagaiak fabrikatzeko 6 euskal proiekturi 7.481.747 euro emango dizkien balio kate berriztagarria (RENOVAL) indartzera bideratutako proiektuetarako laguntza programaren deialdia ebatzi du. Energia Dibertsifikatzeko eta Aurrezteko Institutuak (IDAE) kudeatzen du pizgarri-lerro hori, eta Euskadik eta Espainiak hidrogeno berdea ekoizteko eguzki-panelak, turbina eolikoak, bero-ponpak, bateriak, elektrolizagailuak eta teknologia horien funtsezko osagaiak ekoizteko duten gaitasuna bultzatuko du.

Marisol Garmendia Espainiako Gobernuak EAEn duen ordezkaria pozik agertu da diru hori EAEko ekonomiara iritsi delako, “energia-segurtasuna eta -autonomia bermatu, gure lehiakortasuna handitu eta industria deskarbonizatu nahi delako”.

EAEko proiektuak norgehiagoka bidez hautatu dira, eta hauek dira: Hydrogen Onsite (3.959.424 €), Haizea Bilbao (869.124 €), Arizaga, Bastarrica eta Compañía (368.204 €), Haizea Wec Mecanización (337.298 €), Fihi Forging Industry (745.516 €), Bihar Batteries (610.991 €) eta Alavés Fundicion (1.59190 €). Euskadi da proposamen gehien eman dituen erkidegoa (6), Gaztela-Mantxaren (5), Andaluziaren (4), Galiziaren (3), Gaztela eta Leonen (3), Kanariar Uharteen, Kataluniaren, Nafarroaren, Valentziako Erkidegoaren eta Asturiasen (bina), Extremaduraren eta Madrilen (bana) aurretik.

IDAEren pizgarri-lerro hori Suspertze, Transformazio eta Erresilientzia Planaren (PRTR) NextGenEU funtsez hornituta dago, eta Espainiako energia berriztagarrien inguruko balio-kate berritzaile eta ezagutza-kate osoa sendotzen lagunduko du, bai teknologia helduetan (adibidez, eguzki-energia fotovoltaikoa eta eolikoa), bai sortzen ari diren beste batzuetan, hidrogeno berriztagarria lehen planoan dutela.