Gobernuak, Presidentetzako, Justiziako eta Gorteekiko Harremanetako Ministerioaren eta Justizia Zerbitzu Publikoaren Berrikuntzarako eta Kalitaterako Idazkaritza Nagusiaren bitartez, hautaketa-prozesu bat deitu du Nafarroan txanda irekian 30 plaza sartzeko; guztira, 1.052 plaza daude Espainia osoan.
Nafarroan bederatzi plaza daude Kudeaketa Prozesal eta Administratiborako Kidegoentzat (288 Espainia osorako), zazpi plaza Izapidetze Prozesal eta Administratiborako (406 Espainia osorako) eta 14 plaza Justizia Administrazioko Laguntza Judizialerako (358 Espainia osorako).
Horietatik, hiru Nafarroan eman dira, Espainia osorako % 33ko edo gehiagoko desgaitasuna duten pertsonentzako erreserba-kupoari esleitutako 74 plazetatik.
Deialdi hori Justizia Administrazioaren Mahai Sektorialean dauden ordezkaritza sindikalekin negoziatu da, eta 2023ko Lan Eskaintza Publikoari (LEP) dagokio, eta joan den otsailaren 1eko BOEn argitaratu zen.
Hautaketa-sistema oposizioarena da, eta azterketa, argitaratutako oinarrien arabera, deialdia argitaratu eta hurrengo hiru hilabeteetan egin behar da. Interesa dutenek 20 balioduneko epea dute parte hartzeko eskaera aurkezteko, otsailaren 29ra arte.
Eskatzen diren titulazioak honako hauek dira: Kudeaketa Prozesal eta Administratiboko Kidegorako unibertsitate-gradua, Izapidetze Prozesal eta Administratiboko Kidegorako batxilergoa eta Laguntza Judizialeko Kidegorako DBHko graduatua.
Deialdia batera egingo da lurralde nazional osoan, lurralde-banaketaren arabera, Presidentetzako, Justiziako eta Gorteekiko Harremanetako Ministerioaren eta giza baliabideetan eskumenak berenganatuak dituzten autonomia-erkidegoen kudeaketa-eremuaren artean.
Oinarriak ikusgai hemen klik eginez.