Espainiako Gobernuaren ordezkariak lehen bilera egin du Estatuko Turismo idazkariarekin

Espainiako Gobernuaren ordezkariak lehen bilera egin du Estatuko Turismo idazkariarekin

Espainiako Gobernuak Balear Uharteetan duen ordezkariak, Alfonso Rodriguez Badalek, lehen bilera ofiziala egin du astelehen honetan Rosana Morillo Estatuko Turismo idazkariarekin, Balear Uharteetarako interesgarriak diren hainbat gairi buruz hitz egiteko. Bileran egiaztatu da erabat suspertu dela uharteek 2023an izan duten jarduera turistikoa: 2022arekin alderatuta, %9 inguru igo da bisitarien kopurua, eta %5 baino gehiago pandemiaren aurreko urteko kopuruekin alderatuta; azken ekitaldian, berriz, gastu turistikoa %16 handitu da. Era berean, sektoreko okupazioa ia %17 hazi da aldi berean, azken Biztanleria Aktiboaren Inkestaren (BAI) arabera.

2023ko itxierako datu ofizialek eta Espainia osoko lehen hiruhilekoko aurreikuspenaren zifrek iragartzen dute joera errekor horrek bere horretan jarraituko duela; Turespainiak % 10,8 nazioarteko bisitari gehiago aurreikusten ditu gure herrialdera, eta gastua % 18,5 igoko da. Balear Uharteetako Gobernu Ordezkaritza eta Estatu Idazkaritza pozik agertu dira Espainiako Gobernuak turismo denboraldia luzatzeko dituen politikak martxan daudela berresteagatik.

Egiteko eta justifikatzeko epeak luzatzea

Bestalde, Rodriguez Badalek interesa agertu du Suspertze, Transformazio eta Erresilientzia Planean (PRTR) artxipelagoaren modernizaziora eta lehiakortasun turistikora bideratutako baliabideen egoeraz.

Zehazki, ordezkariak bereziki aipatu du Balear Uharteetarako aurreikusitako 100 M€-ak PRTRren 14. osagaiaren 3. lerroaren barruan gauzatzea, “Penintsulaz kanpoko lurraldeetarako erresilientzia turistikoko estrategiak” aipatzen dituena.

Horren harira, Estatuko idazkariak Gobernuaren ordezkariari jakinarazi dizkio exekutibo zentralaren lanak, proiektuak gauzatzeko eta justifikatzeko epeak luzatzeko, gaur egun 2024ko abenduan amaitzen direnak.

Orain, kaltetutako autonomia-erkidegoek eta hiri autonomoek eskatu behar dute, formalki eta arrazoituta, gauzatze- eta justifikazio-epe horiek luzatzeko beharra. “Funts horiek gure gizartea eraldatuko duten proiektuetan gauzatzea lortzeko Espainiako Gobernuaren laguntza behar duten autonomia erkidegoen esanetara gaude bete-betean, eta haien eskaerak helaraztea espero dugu”, adierazi du Morillok.

Proiektu horiek gauzatzeko epeak luzatzeko, ukitutako errege-dekretuak aldatu behar dira, bai eta Turismoko estatu-idazkariaren eta horiek zabaltzen dituzten autonomia-erkidegoen artean sinatutako hitzarmenak ere.