MITECOk 28 milioi euro emango dizkie Balear Uharteetan energia berriztagarria eta biltegiratzeko gaitasuna handituko duten 15 proiekturi

Hautatutako ekimenek 49,625 MW gehiago sortzen dituzte energia berriztagarriekin, eta 53,50 MWh gehiago biltegiratzeko gaitasunarekin

Trantsizio Ekologikorako eta Erronka Demografikorako Ministerioak (MITECO), Energia Dibertsifikatzeko eta Aurrezteko Institutuaren (IDAE) bitartez, Suspertze, Transformazio eta Erresilientzia Planaren (PRTR) 28 milioi euro esleitu ditu, Balear Uharteetan energia-biltegiratzea eta -segurtasuna bereziki sustatzen duten energia berriztagarrien instalazioak bultzatzeko. Zehazki, biltegiratzearekin hibridatutako 15 proiektu fotovoltaikori emango zaizkie laguntzak. Proiektu horien bidez, sorkuntza berriztagarria 49,625 MW handituko da, eta, aldi berean, 53,50 MWh-ko biltegiratze-ahalmena izango dute.

Hauen artean proiektu hautatuak14 instalazio fotovoltaiko berriei lotuta daude, eta gehienek crowdfunding kanpainak egingo dituzte herritarrek parte har dezaten. Gainera, lehentasuna eman zaie eragile txikiei elektrizitate-merkatuan sartzeko, 1 MW baino gutxiagoko sorkuntza-potentziako 4 proiekturekin eta 5 MW baino gutxiagoko beste 5 proiekturekin.

Eraiki berri diren instalazioetatik 9 Mallorcan daude –22,21 milioirekin hornituta, 45,20 MW-eko potentzia bateratua eta 38,45 MWh-ko biltegiratze-ahalmena izateko–; 4 Eivissan –1,31 milioiko diru-laguntzekin, 2,04 MW-eko sorkuntza eta 1,76 MWh-ko biltegiratzea zabalduko dira–, eta bat Menorcan –36 milioi jasoko ditu, eta 32,85 MW-eko potentzia eta 2,14 MW-eko biltegiratze-ahalmena areagotuko ditu–.

Era berean, lehendik dagoen instalazio batean biltegiratze-sistema berri bat diruz laguntzen da, zehazki, Menorcako Es Mercadal udalerriko instalazio fotovoltaiko batean, 5,524 MW-eko sorkuntza-potentziarekin. 11,18 MWh-ko edukiera duen biltegiratze-sistema bat txertatzea du helburu, eta horretarako 3,161 milioiko laguntza jasoko du.

Laguntza horiek Suspertze, Transformazio eta Erresilientzia Planaren 7. Osagaiaren barruan daude (2. inbertsioa, «Energia iraunkorra uharteetan»), eta egindako inbertsioaren % 40tik % 65era bitarte estaltzen dute.

UHARTEEN BEREZITASUNA

Penintsulaz kanpoko lurraldeetako sistema elektrikoen berezitasunak direla eta (isolatuak eta txikiak direlako), zaila da energia-iturri berriztagarrietatik sortutako ekoizpen elektrikoa integratzea. Uharteetako eskaria jatorri fosileko teknologia termikoekin asetzen da gehienbat, eta iturri berriztagarrien parte-hartzea oraindik apala da.

Horregatik, PRTRren 7. osagaiaren barruan (Energia berriztagarrien hedapena eta integrazioa), inbertsio zehatz bat definitzen da: C7.I2 –Energia iraunkorra uharteetan–. Inbertsio horren bidez, uharteetan energia garbiak garatzea funtsezko mugarri gisa ezartzen da, eta uharteetako sistemetan energia berriztagarriak sartzeko eta integratzeko proiektuei laguntzeko inbertsio espezifikoak aurreikusten dira.

Helburua da energia berriztagarriak behar bezala integratzea lurraldean eta horiek potentzia finkoa, sareko segurtasuna eta beste zerbitzu batzuk eman ahal izatea, eta, aldi berean, erregai fosilekiko mendekotasuna murriztea, haien energia-gainkostuak murriztuz.