Kotizaziopeko pentsioak %3,8 igoko dira 2024an. Igoera urtarrilaren 1etik aurrera izango da indarrean, eta, oro har, sistemako pentsioek izango dute eragina.

2024rako % 3,8ko igoera hori 2022ko abendutik 2023ko azarora bitarteko batez besteko kontsumoko prezioen indizearen (KPI) emaitza da, Pentsioen erosteko ahalmena bermatzeko 20/2021 Legean ezarritako eta solaskide sozialekin adostutako formularen arabera. Horrela, Toledoko Ituneko 2. gomendioa betetzen da, pentsiodunen erosteko ahalmena bermatuz KPIaren bilakaeraren arabera.

Igoera honekin, batez besteko erretiro-pentsioaren igoera urtean 734 eurokoa da, edo hilean 52 eurokoa. Sistemaren batez besteko pentsioa, 1.200 eurokoa, 638 euro igoko da urtean, hau da, 46 euro hilean.

Guztira, 10 milioi pentsiodunek baino gehiagok euren erosteko ahalmena mantenduko edo handituko dute.

Elma Saiz Inklusio, Gizarte Segurantza eta Migrazio ministroak nabarmendu duenez, “2021ean onartutako pentsioen erreformari esker, aldeko botoa eman zuten gizarte-eragileen eta alderdi politikoen ekarpenarekin, hirugarren urtez jarraian Espainiako Gobernuak gure pentsiodunen erosteko ahalmena babesten du”.

Gutxieneko pentsioek eta kotizazio gabekoek are portzentaje handiagoa igoko dute, 2/2023 Errege Lege Dekretuan ezarritakoaren arabera.

“Albiste handia da gehien igotzen diren pentsioak baxuenak direla, errenta txikiena duten pertsonei dagozkiela eta genero arrakala txikitzeko eragin zuzena duela, hori baita gure helburu utziezinetako bat”, dio Saizek.