A Delegación do Goberno en Galicia publica hoxe a súa nova Carta de Servizos cunha aposta decidida pola calidade na atención á cidadanía e os valores de transparencia a responsabilidade social. A nova Carta estará vixente ata o ano 2026, tras a súa aprobación polo Ministerio de Política Territorial e publicación no BOE do pasado 28 de outubro. O contido será sometido a revisión para adaptalo durante o período de vixencia aos novos servizos e á realidade da sociedade galega.
Con esta Carta, a Delegación do Goberno en Galicia e a Subdelegación do Goberno nA Coruña renovan o reto de ofrecer unha prestación eficiente e de calidade dos seus servizos e o compromiso de traballar pola mellora continua dos mesmos. Isto é posible pola inclusión de 42 compromisos de calidade asociados aos procedementos e o deber de revisar periodicamente o seu cumprimento.
Para a cidadanía, a principal vantaxe é que se unifican as cartas de servizo anteriores que ofrecían, en dous documentos independentes, os servizos prestados de forma presencial e electrónica. Así, a Carta actual convértese nunha guía para mellorar a relación do cidadán coa Administración e avanzar na senda da modernización e dixitalización.
A nivel práctico, o documento oferta, desde un só punto, acceso a todos os procedementos nos que ten competencia a Delegación do Goberno en Galicia, a nivel autonómico, e a Subdelegación do Goberno nA Coruña, a nivel provincial. En total, son 229 servizos en 21 categorías que van desde a información pública, estranxeiría, vacinación internacional, sancións e autorizacións administrativas, entre outras.
O acceso a estes servizos é sinxelo e directo e permite á persoa interesada coñecer se o servizo préstase de forma presencial ou tamén electrónica. En caso de ser presencial, o documento tamén permite pedir cita previa, cando sexa requirida. Nos servizos electrónicos, ofrece unha ligazón directa para facilitar a tramitación.
Participación da cidadanía
A Carta de Servizos unificada ten unha clara vocación de transparencia e de fomento da participación da cidadanía, á que detalla os dereitos que lle asisten na súa relación coa Administración. Para garantir a participación, a Carta facilita a comunicación de queixas, suxestións e o traslado de escritos ás persoas responsables das unidades. Ademais, a Delegación ofrecerá periodicamente un balance do cumprimento dos compromisos adquiridos na Carta, co obxecto de seguir avanzando na súa mellora.