Concurso de Relato Breve "Relatos da liberdade"

Primeira: Organización

O concurso “Relatos da liberdade" está organizado pola Delegación do Goberno en Galicia, con domicilio en Praza de Ourense, 11, A Coruña, baixo o impulso do Comisionado do Goberno da Celebración “España en Liberdade. 50 anos” (Ministerio de Política Territorial e Memoria Democrática).

O correo electrónico que se utilizará para a organización e recepción dos relatos será: relatosliberdade.galicia@correo.gob.es e as bases están dispoñibles na sección web da Delegación do Goberno en Galicia dedicada a esta conmemoración: https://mptmd.gob.es/gl/portal/delegacións_goberno/delegacións/galicia/espanaenlibertad50anosgalicia

Segunda: Obxectivos

Os obxectivos do concurso son múltiples: fomentar a creación literaria, a creatividade e o coñecemento da historia da democracia en España. No ano 2025 cumpríronse 50 anos do fin da ditadura no Estado español e no 2026 é necesario seguir celebrando e lembrando a importancia dos valores democráticos e da vida en liberdade, especialmente entre a poboación máis nova que non viviu os anos da Transición.

Terceira: Participantes

Poderán participar todos os mozos e mozas nacidos entre os anos 2011 e 2009. Tendo en conta que a participación comunicarase, principalmente, a través dos centros educativos, corresponderíase co alumnado de 4º da ESO e 1º de Bacharelato e de FP básica nacidos nestes anos.

Cada persoa poderá presentar un só relato.

Poderán optar ao premio Semente Democrática todos os centros educativos de Galicia que conten con alumnado das idades obxectivo e que participen no concurso.

Cuarta: Requisitos das obras

Os textos deben ser orixinais e inéditos (non publicados antes en ningún medio ou rede social) e creados exclusivamente coa intelixencia humana (comprobarase o posible uso de IA).

A temática debe estar vinculada aos valores democráticos e á liberdade en España nos últimos 51 anos, poñendo en valor aspectos como o dereito a voto, a liberdade de expresión, a igualdade e non discriminación, a xustiza, a liberdade de elección sexual, os dereitos sociais, etc... de forma expresa ou suxerida. Despois do relato, o/a autor/a deberá incluír unha mención ao dereito, liberdade e/ou feito histórico sobre o que xira o argumento.

Os relatos poderán estar escritos en calquera das dúas linguas oficiais en Galicia.

A extensión será dun máximo de 500 palabras.

Poderá presentarse en formato dixital (PDF/PDF ou Word), con tipografía legible (ex. Arial ou Times New Roman en tamaño 12) ou manuscrito, sempre que o texto sexa legible, podendo ser a imposibilidade de ler un motivo para a descualificación.

Quinta: Forma de presentación

Os relatos poden enviarse a través de correo electrónico relatosliberdade.galicia@correo.gob.es ou por correo postal a: Delegación do Goberno en Galicia. Concurso ‘Relatos da liberdade’. Praza de Ourense, 11. 15.004. A Coruña.

O envío pode ser conxunto, a través do centro educativo, ou individual. No caso de participación individual, non asociada a un centro educativo, a persoa participante deberá remitir unha copia do seu DNI na que se poida comprobar o ano de nacemento.

Os centros educativos tamén poderán presentar a súa candidatura ao premio Semente Democrática da seguinte forma: remitindo por correo electrónico unha breve e sucinta memoria das actividades realizadas en torno ao concurso no centro, acompañada de fotografías ou documentos que a xustifiquen. Sexta: Prazo de admisión

O prazo máximo de recepción dos relatos e das candidaturas ao premio Semente será o 20 de novembro de 2026 ás 14.00 horas. Todos os textos recibidos despois desta data quedarán excluídos do concurso.

Sétima: Xurado e fallo

O xurado estará composto por persoas expertas no ámbito cultural e literario e exercerá como secretaria unha comparece representante da Delegación do Goberno en Galicia. A súa identidade revelarase ao facer público o fallo do concurso.

Valorarase a calidade literaria, a orixinalidade, a creatividade, a corrección ortográfica e gramatical e a alusión aos valores vinculados á democracia, dereitos sociais e liberdade xa mencionados no apartado cuarto.

No caso do premio Semeste aos centros educativos teranse en conta a cantidade e calidade de actividades realizadas, así como o número de relatos presentados polo alumnado adscrito ao mesmo.

O fallo do xurado será inapelable e o premio podería declararse deserto se se considera que non se alcanza a calidade mínima.

Comunicarase o fallo publicamente e ás persoas e centros que resulten gañadoras. A entrega dos premios realizarase durante a celebración do Aniversario da Proclamación da Constitución Española en cada unha das catro Subdelegacións do Goberno en Galicia. Nestes actos farase entrega dos premios e unha lectura pública dos relatos galardoados.

Oitava: Premios

Establécese un total de doce premios. Tres en cada unha das catro provincias galegas: A Coruña, Lugo, Ourense e Pontevedra. Dous dos premios están destinados a estudantes en cada unha das catro provincias e un para un centro educativo tamén en cada provincia.

Premio Democracia: ao mellor relato que reflicta os valores vinculados aos valores democráticos: unha tablet con lápis óptico que permite a escritura a man na propia pantalla.

Premio Liberdade: ao mellor relato que reflicta os valores vinculados á liberdade: unha tablet con lápis óptico que permite a escritura a man na propia pantalla.

Premio Semente Democrática: ao centro educativo que mostre unha maior implicación no evento, ben a través da organización de actividades propias, ben fomentando entre o alumnado a participación no concurso: un lote de libros valorado en 300 euros para a biblioteca do centro educativo.

Novena: Dereitos

A Delegación do Goberno en Galicia resérvase os dereitos de reprodución, publicación e difusión dos relatos gañadores durante o prazo máximo dun ano. Os autores e autoras autorizan a difundir o seu texto na web e/ou redes sociais da entidade co obxectivo de dar a coñecer o premio, así como a colaborar na difusión do anuncio do galardón. Non recibirán por iso contraprestación algunha e poderán facer uso dos dereitos de propiedade intelectual dos seus relatos facendo mención ao premio obtido no concurso.

Décima: Aceptación das bases

A participación neste concurso implica a total aceptación das presentes bases. Calquera caso non previsto será resolto pola organización ou o xurado, segundo corresponda.