Las disposicións adicionais 12.ª, 15.ª e 16.ª da Lei 20/2022, de Memoria Democrática, amplían o alcance reparador da norma máis aló das vítimas directas da Guerra de España e a Ditadura franquista. Estas previsións buscan profundar no recoñecemento de colectivos historicamente esquecidos, avaliar a suficiencia das medidas de reparación xa existentes e estudar posibles vulneracións de dereitos humanos producidas durante os primeiros anos da democracia. En conxunto, reflicten unha concepción ampla da memoria democrática baseada nos principios de verdade, xustiza, reparación e garantías de non repetición.
- Disposición adicional duodécima: prevé a creación dunha Comisión de Traballo sobre a Memoria e a Reconciliación co Pobo Xitano en España, en liña coas recomendacións europeas para combater o antigitanismo e recoñecer a persecución histórica sufrida por esta comunidade.
- Disposición adicional décimo quinta: establece a designación dunha comisión técnica encargada de elaborar un estudo sobre as medidas de reparación económica dirixidas ás vítimas da Guerra e a Ditadura, avaliando o seu alcance e propondo posibles melloras ou correccións.
- Disposición adicional décimo sexta: ordena a elaboración dun estudo sobre posibles vulneracións de dereitos humanos sufridas por persoas que loitaron pola consolidación da democracia, os dereitos fundamentais e as liberdades públicas entre a entrada en vigor da Constitución de 1978 e o 31 de decembro de 1983, co fin de identificar vías de recoñecemento e reparación.