El subdelegado do Goberno en Ourense, Eladio Santos, supervisou este mércores o dispositivo de seguridade composto pola Garda Civil, Policía Local, Bombeiros, Protección Civil e Cruz Vermella para garantir o normal desenvolvemento do Entroido de Xinzo de Limia, que comezará o vindeiro sábado, 24 de xaneiro, co tradicional "Petardazo" e durará ata o 22 de febreiro.
Eladio Santos presidiu a Xunta Local de Seguridade ordinaria do Concello de Xinzo de Limia, na que tamén participaron o alcalde do municipio, Amador Díaz; a xefa da Unidade contra a Violencia sobre a Muller da Subdelegación do Goberno, Alida Iglesias, e representantes da Xunta, da Garda Civil e da Policía Local.
Tras o encontro, o subdelegado do Goberno animou a veciños, veciñas e visitantes a gozar dos días de festexos "con responsabilidade e cumprindo as normas" para non lamentar danos. "O dispositivo está preparado cun importante reforzo de persoal para garantir o correcto desenvolvemento da programación, pero pedimos, como sempre, a colaboración cidadá", expresou.
Un dos temas tratados foi o control de aforo que se levará a cabo o vindeiro sábado, 24 de xaneiro, nos puntos de acceso á Praza Carlos Casares a partir das 21:00 horas, co obxectivo de previr riscos e protexer aos asistentes. Ademais, prohibirase o acceso con obxectos de vidro como botellas ou vasos.
Por outra banda, a Xunta Local de Seguridade analizou a evolución das cifras de criminalidade no municipio. Eladio Santos felicitou á Garda Civil, porque a porcentaxe de esclarecemento no 2025 foi 11 puntos superior á do ano anterior e o número total de infraccións penais reduciuse en máis do 5%. Destaca a redución dos delitos contra o patrimonio, contra as persoas e contra a liberdade sexual.
Violencia de Género
Respeto á análise de datos de violencia de xénero, Xinzo de Limia forma parte do Sistema de Seguimento Integral nos casos de Violencia de Xénero (VioGén). No municipio hai 27 casos activos, dos 572 da provincia de Ourense, polo que o subdelegado advertiu que "non se pode baixar a garda na loita contra esta secuela, pois hai violencia contra as mulleres diariamente e é necesaria a implicación de todas as Administracións".