El subdelegado do Goberno en Ourense, Eladio Santos, reafirmou "o férreo compromiso do Goberno de España coa seguridade", como o mostra o investimento de preto de 4 millóns de euros para a reparación dos danos causados polos lumes forestais do ano pasado nas estradas da rede estatal da provincia. El subdelegado supervisou hoxe unha actuación de protección de noiros na N-120, no termo municipal dA Rúa, que forma parte das mencionadas obras de emerxencia.
O Ministerio de Transportes e Movilidad Sostenible, a través da Demarcación de Estradas do Estado en Galicia, executa as intervencións destinadas a reparar os danos causados polos lumes do pasado verán nas estradas N-120 e N-525 e na autovía A-52. Estas actuacións consisten en protección de noiros, sinalización, drenaxe, balizamento e peche.
O subdelegado destacou que "o Goberno de España responde á catástrofe sufrida na provincia de Ourense o pasado verán con investimento e actuacións reais para garantir a seguridade dos usuarios e usuarias das vías”. “Nun momento difícil para o noso territorio, unha vez máis o Goberno actúa co fin de garantir a adecuada conexión entre todos os municipios da provincia, apoiando así aos ourensáns”, destacou.
ESTABILIZACIÓN DE NOIROS NA N-120
En concreto, Eladio Santos comprobou esta mañá o estado do avance dos traballos de estabilización de noiros, adxudicada á empresa Xermolo por 1,5 millóns de euros. "Os incendios provocaron problemas de erosión ao calcinar a vexetación contida nos noiros, polo que é preciso aseguralos para evitar desprendementos", explicou.
En esta actuación na N-120, que comezou en xaneiro, están a traballar 12 persoas que colocan 30.000 metros cadrados de malla de triplo torsión e 7.000 metros cadrados de malla de cable reforzada con 700 bulones. As máquinas empregadas para esta intervención son un guindastre e unha perforadora. Xa no último tramo dos traballos instalaranse varios tramos de pantalla para conter posibles desprendementos. Esta actuación vai dos puntos quilométricos 468+900 a 472+800.
9 MILLÓNS POR LAS BORRASCAS
Eladio Santos agradeceu ao Ministerio de Transportes e Mobilidade Sustentable a súa sensibilidade coa reparación das infraestruturas crave na provincia de Ourense, pois tamén investiu 9 millóns de euros adicionais para arranxar as estradas ourensás da rede Estatal danadas polos sucesivos temporais de principios deste ano/este ano. Por iso, o subdelegado cualificou de fundamental mobilizar os recursos necesarios para reforzar infraestruturas, previr riscos e protexer ás persoas. “A seguridade é a prioridade absoluta do Goberno”, sostivo.
AXUDAS PARA ESTRADAS MUNICIPAIS
Aparte de o investimento propio na rede viaria estatal, lembrou o subdelegado, o Goberno de España convocou unha liña de subvencións para reparar danos en infraestruturas municipais e rede viaria provincial como consecuencia dos incendios forestais. “O Goberno non só arranxa as súas infraestruturas para garantir a seguridade, senón que axuda a outras Administracións a financiar as reparacións das súas”, explicou.