25/05/2020

En relación coa nota informativa urxente publicada pola Dirección Xeral da Función Pública o pasado día 20 de maio:

"Para poder seguir garantindo o funcionamento básico dos servizos públicos, competencia da Administración Xeral do Estado, renóvase o cómputo dos prazos previstos para a presentación de documentación que se precise e para a consecuente adxudicación de prazas, derivados da execución dos procesos selectivos de acceso á condición de persoal laboral do ámbito do Convenio Único, que foran suspendidos ante a situación de estado de alarma regulada nos Reais Decretos 463/2020, do 14 de marzo e 465/2020, do 17 de marzo.

En todo caso, os prazos e as formas previstas para a incorporación do persoal aos seus postos de traballo poderán verse afectados as medidas reflectidas no artigo 7 do referido Real Decreto 463/2020, do 14 de marzo, modificado polo Real Decreto 465/2020 do 17 de marzo, en función da localización xeográfica dos centros de traballo e dos posibles desprazamentos que deban realizarse. Nestes casos, será o Departamento ministerial, Organismo ou Axencia ao que se atope adscrita a praza de ingreso, quen informe ao traballador ou traballadora das excepcións ou particularidades aplicables no seu caso concreto. Con esta finalidade, os referidos Departamentos, Organismos e Axencias contactarán cos interesados para garantir a comunicación dos actos ou resolucións administrativas que se adopten.

Os posibles recursos contra a ditas actuacións e Resolucións poderán interporse desde a data de publicación ou notificación das mesmas ata que finalice o prazo previsto en cada unha delas. Este prazo iniciará o seu cómputo a partir do día seguinte ao da finalización do estado de alarma."

NOTA INFORMATIVA URXENTE DGFP MARZO 2020 "Ante a situación de estado de alarma e tendo en conta o disposto no apartado Catro do Real Decreto 465/2020, do 17 de marzo, polo que se modifica e engaden novos apartados á regulación contida na Disposición adicional terceira do Real Decreto 463/2020, do 14 de marzo, polo que se declara o estado de alarma para a xestión da situación de crise sanitaria ocasionada pola COVID-19, quedan suspendidos os prazos previstos para a presentación de documentación e adxudicación derivadas da execución dos procesos selectivos de acceso á condición de persoal laboral do ámbito do Convenio único, salvo naqueles supostos nos que o Departamento ministerial ou Organismo de destino determine e acredite expresamente, previo aviso con suficiente antelación aos interesados e interesadas, que a súa incorporación resulta indispensable para a "protección do interese xeral ou para o funcionamento básico dos servizos". Esta comunicación realizarase de forma individual e terá carácter absolutamente excepcional. No caso de que a Administración non determine a necesidade expresada no citado Real Decreto, o traballador ou traballadora non ten obriga de presentar ningunha documentación, se ben, en caso de ser posible, poderá enviar voluntariamente a mesma para a súa consideración e valoración no momento en que se inicien novamente os cómputos dos prazos legalmente establecidos."