Nado en Vigo en 1956.

Doctor en Bioloxía pola Universidade de Santiago de Compostela en 1986, comeza a súa carreira docente no Colexio Universitario da Coruña en 1985. En 1986 desempeña a súa actividade docente na Facultade de Veterinaria da USC en Lugo. Profesor titular de Microbiología na Universidade de Santiago de Compostela (1988-1991) e na Universidade da Coruña, na Facultade de Ciencias (1991-2010). No ano 2011 obtén a praza de catedrático de universidade na UDC. A súa investigación céntrase no estudo das microalgas, a produción masiva e a utilización en acuicultura, a resposta fisiológica á presenza de contaminantes, como metais pesados e pesticidas no medio ambiente etc. É autor de máis de 85 artigos de investigación, 61 deles publicados en revistas internacionais de referencia, 1 patente, 5 libros, 11 capítulos de libros e dirixiu 8 tese de doutoramento, cun índice h de 30. Participou en 30 proxectos de investigación competitivos, 18 como Investigador principal.

No ano 2016 gana as eleccións ao reitorado de Universidade da Coruña (UDC), sendo reitor desta universidade ata o ano 2024.

Ademais de ser reitor da Universidade da Coruña, desempeñou diversas funcións de xestión universitaria en departamentos da Universidade de Santiago de Compostela e na Universidade da Coruña. Fue director da Axencia para a Calidade do Sistema Universitario de Galicia (ACSUG) (2005–2009) e vicerreitor de Títulos, Calidade e Novas Tecnoloxías da UDC (2012-2016). Foi presidente da Comisión Sectorial da Conferencia de Reitores das Universidades Españolas CRUE-Xerencias (2017-2024), presidente do CIXUG e presidente de FEUGA.

También desempeñou funcións de avaliación da calidade universitaria na Universidade de Estremadura, na Universidade de Granada, na ANECA e na UNIBASQ do País Vasco.

Foi elixido deputado no Parlamento de Galicia na XII Lexislatura, cargo que ocupaba ata o seu nomeamento como subdelegado.