A Delegación do Goberno en Galicia súmase ás mostras de pesar pola morte de Antón Louro Goyanes, quen ocupou o cargo de delegado do Goberno en Galicia entre abril de 2009 e abril de 2011. O delegado do Goberno, Pedro Blanco, trasladou á familia as condolencias por esta perda, destacando de Antón Louro a súa humanidade e xenerosidade xunto con o compromiso co servizo público, con Galicia e coa súa cidade de residencia, Pontevedra. En un acto celebrado en Vilaba (Lugo), Pedro Blanco lamentou tamén a perda de Antón Louro como figura referente do socialismo galego”.
Antón Louro Goyanes naceu en Carnota (A Coruña) no ano 1952. Licenciouse en Química pola Universidade de Santiago e cursou estudos posteriores de xestión empresarial e cultural. Foi profesor de instituto ata o salto á política. Foi elixido parlamentario no Parlamento de Galicia e deputado no Congreso, onde ocupou as portavocías das Comisións de Cultura e de Fomento. Tras o seu paso pola Delegación do Goberno, dedicouse á política municipal ata o ano 2015.
No ano 2019 asistiu na Delegación a un acto de homenaxe con motivo do 30 aniversario da inauguración da sede deste organismo, na Praza de Ourense. Na última homenaxe organizada pola Delegación, e que reuniu aos delegados do Goberno da democracia no ano 2024, xa non puido participar por motivos de saúde.