A Biblioteca Central do Ministerio de Política Territorial e Memoria Democrática, dependente da Subdirección Xeral de Recursos, Publicacións e Documentación, da Secretaría Xeral Técnica, ten como finalidade ofrecer a todo o persoal do Departamento o acceso á información e documentación precisas para o desempeño das súas funcións e para a actualización dos seus coñecementos. A Biblioteca atópase tamén a disposición dos cidadáns, investigadores e especialistas externos ao Ministerio que desexen facer uso das súas instalacións e fontes de información.

A Biblioteca está especializada en materias como Administración Pública, Función Pública, Modernización administrativa, Dereito Administrativo e Constitucional ou Calidade dos servizos públicos.

O seu fondo bibliográfico está constituído por máis de 95.000 documentos (dos cales, hai, entre outros, máis de 65.000 monografías).

Así mesmo, posúe unha colección especializada das Publicacións oficiais da Administración Xeral do Estado desde 1986.