Segundo o sistema constitucional español, a organización das institucións e do sistema de autogoberno de cada Comunidade corresponde á propia Comunidade Autónoma. As súas institucións políticas básicas están previstas e reguladas nos Estatutos de Autonomía. Estas previsións iniciais foron posteriormente desenvolvidas mediante a aprobación polas diferentes Asembleas lexislativas das correspondentes leis organizativas.
En xeral, as Comunidades Autónomas organizan as súas estruturas administrativas tomando como modelo as do Estado, de modo que as estruturas organizativas básica son as Consellerías ou Departamentos e as Direccións Xerais.
A normativa referenciada a seguir é a aprobada ao comezo de cada Lexislatura ou a aprobada con carácter xeral, non incluíndose as modificacións parciais, o que debe advertirse se se ten en conta que as estruturas administrativas adoitan experimentar modificacións posteriores.
