El delegado do Goberno en Galicia, Pedro Blanco, pivotó hoxe o proceso de modernización da Administración Xeral do Estado en Galicia sobre a mellora da calidade dos servizos públicos e sobre o talento do persoal destinado na Comunidade. Así o fixo durante o acto de presentación do Plan de Acción 2025, un documento que recolle 139 medidas operativas de mellora para este ano dos servizos que presta a Delegación do Goberno en Galicia. Durante a súa intervención, o delegado aproveitou para facer un recoñecemento a todos os empregados e empregadas da AGE en Galicia que interviñeron na recente crise da subministración eléctrica, durante a que mostraron un alto grao de responsabilidade para co servizo e de profesionalidade na coordinación da resposta ante esta emerxencia.
En a presentación de hoxe, o delegado estivo acompañado polo secretario xeral da Delegación, Alberto de la Fuente, e polo equipo redactor deste Plan.
Pedro Blanco lembrou que a Delegación comezou no ano 2021 o seu propio proceso de mellora continua da calidade, co obxectivo de promover “unha administración máis próxima, moderna e orientada á cidadanía”. Este proceso plasmouse nun primeiro Plan Estratéxico con vixencia de tres anos. Este Plan foi renovado o ano pasado, coa aprobación do Plan Territorial da Delegación do Goberno en Galicia 2024/2027.
Anualmente, este plan materialízase en documentos/plans de acción, que recollen os compromisos de mellora para o ano en curso e que integran tanto as actuacións fixadas polo Ministerio de Política Territorial a nivel nacional como medidas propias, deseñadas e pensadas especificamente en base ás necesidades da Delegación.
El delegado destacou que o Plan de Acción de 2025 recolle un 46% máis de actuacións que o plan anterior, e que implican a todas as áreas e unidades, en maior ou menor medida: “un esforzo colectivo que demostra o compromiso de toda a organización coa mellora continua dos servizos públicos”.
En concreto, o Plan de Acción distribúe as medidas en catro eixos operativos, que se distribúen da seguinte forma: Eixo 1. Unha Administración de calidade e accesible á cidadanía: 52 actuacións. Eixo 2. RR.HH. orientados á prestación eficiente dos servizos públicos: 28 actuacións. Eixo 3. Visibilidade institucional reconocible e homoxénea: 29 actuacións. E Eixo 4. Compromiso coa sustentabilidade: 32 actuacións.
Planificación estratéxica
A planificación estratéxica é unha ferramenta de xestión esencial para todas as organizacións interesadas en traballar cara á mellora continua da calidade dunha maneira ordenada no curto, medio e longo prazo.
Nas Administracións Públicas, esta planificación supón unha reflexión para conxugar os compromisos e prioridades coa a cidadanía e a dispoñibilidade de recursos públicos. Todo isto, cunha visión a longo prazo que permita xestionar o cambio para mellorar a xestión eficiente deses recursos e maximizar a calidade do servizo.
Pedro Blanco pivota o proceso de modernización da Administración Xeral do Estado en Galicia na calidade do servizo público e no talento do seu persoal
12/05/2025
La Delegación do Goberno desenvolve desde o ano 2021 un Plan de Calidade co obxectivo de promover “unha administración máis próxima, moderna e orientada á cidadanía” Traslada un recoñecemento ao persoal que, nas diferentes áreas, coordinou a resposta do Estado durante a recente crise da subministración eléctrica