O teléfono 060, que informa de todos os trámites e servizos da Administración Xeral do Estado, atendeu, ata finais do mes de xullo, un total de 7.129.018 chamadas de cidadáns e cidadás.
Ao longo de 2019, as chamadas atendidas polo 060 foron 10.799.961, cifra que, de seguir a tendencia crecente, superarase en 2020.
Nos últimos 8 anos as chamadas ao 060 multiplicáronse por cinco pasando de 2,2 millóns en 2011 a 10,8 millóns en 2019.
O 060 integra na actualidade preto de 230 liñas telefónicas de distintos órganos administrativos e máis de 25 servizos de atención ao cidadán.