O Ministerio de Política territorial e Función Pública impulsou a integración e unificación dos distintos números de atención telefónica da Administración Xeral do Estado nun só número (060), co fin de racionalizar recursos e servizos, de forma que o cidadán non teña que coñecer os números de atención de cada servizo administrativo dispersos nos distintos ministerios e organismos públicos.
A día de hoxe, integráronse na plataforma do Teléfono 060 preto de 230 liñas telefónicas de distintos órganos administrativos e máis de 20 servizos de atención ao cidadán, por exemplo, a atención a vítimas do terrorismo, o pago de multas de tráfico, cita previa en xefaturas de tráfico, denuncias á policía, tramites de estranxeiría, cita previa de DNIe e pasaporte, atención meteorolóxica ou información sobre emprego público e procesos selectivos.