La subdelegada do Goberno, María Rivas, despediu hoxe no Aeródromo Militar de Santiago, xunto con o Xefe do Aeródromo Militar de Santiago, Juan Pedro Velázquez-Gaztelu, e a ministra conselleira na Embaixada de Romanía en España, Alina Popescu, ao continxente de bombeiros de Romanía que durante a última semana prestou servizo en Galicia, para apoiar as tarefas de extinción dos incendios forestais que arrasaron a comunidade este verán.

Rivas trasladou en nome do Goberno de España “o máis profundo agradecemento polo traballo realizado”, subliñando que “con profesionalidade, disciplina e humanidade, protexeron á poboación galega en condicións extremas, pondo en risco as súas vidas e demostrando un gran espírito de sacrificio”.

La representante do Executivo central destacou que a presenza deste equipo de 51 efectivos foi posible “grazas ao traballo conxunto das institucións e ao esforzo do Goberno de España, que non só mobilizou inmediatamente os recursos nacionais —a Unidade Militar de Emerxencias, brigadas de reforzo, medios aéreos e terrestres—, senón que tamén activou, a través de Protección Civil do Ministerio do Interior, os mecanismos europeos a pedimento da Comunidade Autónoma”.

“Esta coordinación permitiu despregar un dispositivo sen precedentes, que uniu a capacidade nacional coa forza da cooperación internacional”, sinalou.

Finalmente, Rivas puxo en valor o carácter solidario e diplomático desta misión, lembrando que “os bombeiros de Romanía representan o mellor da cooperación entre os nosos pobos e do espírito europeo”. A súa presenza aquí “non foi só unha axuda técnica, foi tamén unha misión diplomática de fraternidade entre Romanía e España”, valorou.