O Goberno de España, a través do Ingreso Mínimo Vital (IMV), leva beneficiado en Galicia a case 50.000 fogares, apoiando o seu benestar con máis de 733 millóns de euros. Esta garantía para a calidade de vida en milleiros de fogares leva en execución desde o 2020 a través do Ministerio de Inclusión, Seguridade Social e Migraciones.

La contía media mensual de ingresos por fogar ascende ata os 516,31 euros para o total deles, que ascenden ata 33.978 no momento actual. Desa maneira, existen hoxe 91.826 persoas que se benefician do ingreso, o que sitúa nas 2,7 o número de persoas que se apoian nesta medida do Goberno por unidade familiar e fan ascender ata os 191,05 euros a contía media mensual por beneficiario, máis de 20 euros por encima da media nacional. O importe bruto que se destina a Galicia cada mes por parte do Ministerio suma máis de 19 millóns de euros.

Do número total acumulado de beneficiarios e beneficiarias, 53.354 son ou foron menores. O Ingreso Mínimo Vital apoia o seu futuro, profundando no escudo social que desenvolve o Goberno. Do mesmo xeito, este ingreso tamén é unha ferramenta para a loita contra a desigualdade de xénero, ao ser o 55% das beneficiarias mulleres.

A través de esta renda, o Goberno profunda unha sociedade máis xusta e igualitaria, combatendo a protexendo a familias con menores ao cargo ou, en moitas ocasións, ás formadas por unha muller cun menor.

Datos por provincias

Na provincia da Coruña o IMV chegou a 20.411 fogares, beneficiando as 51.308 persoas (28.258 mulleres e 23.044 homes), cunha media mensual de 537,64 euros no momento actual e mobilizando, desde 2020, 326.027.605,68 euros.

En Lugo hai ou houbo 6.390 fogares que perciben ou percibiron esta prestación, chegando a un total de 17.706 persoas (9.749 mulleres e 7.956 homes), cunha contía media mensual de 531,89 euros e un importe acumulado de 97.403.860,60 euros investidos nas rendas.

Na provincia de Ourense o IMV beneficiou, cinco anos despois da súa aprobación, a 6.688 fogares e as 17.475 persoas (9.515 mulleres e 7.958 homes). A contía media mensual da prestación é de 536,41 euros e o importe acumulado: 99.630.937,14 euros.

Finalmente, a provincia de Pontevedra rexistra 16.400 fogares que perciben ou percibiron o IMV e un acumulado de 46.122 persoas protexidas (25.642 mulleres e 20.476 homes), cunha contía media mensual de 475,25 euros e un importe acumulado de 210.355.550,83 euros.