A subdelegada do Goberno nA Coruña, María Rivas, reivindicou a beleza cultural e natural de Sobrado dúas Monxes durante o seu discurso como pregoeira da XXIII Festa da Troita, un produto que destacou como o buque insignia da gastronomía sobradesa. María Rivas estivo acompañada polo alcalde de Sobrado, Lisardo Santos, así como polo presentador da CRTVG Marcial Mouzo, que foi tamén pregoeiro da festa.
María Rivas fixo un percorrido pola historia e a xeografía de Sobrado, enumerando as súas bondades. A subdelegada destacou o nomeamento da vila como Patrimonio da Humanidade pola Unesco no ano 2015, “co seu mosteiro á cabeza, e xunto ás catedrais de Lugo e Mondoñedo, como parte do Camino de Santiago”.
De feito, o seu mosteiro é un dos elementos que máis marcou a historia sobradesa, tal e como lembrou a subdelegada. “Os monxes crearon a fantástica lagoa que ten Sobrado entre os anos 1.500 e 1.530, para dar servizo aos veciños como regadío das terras e, por suposto, para criar todas as troitas que logo acababan nas cociñas do propio mosteiro”, sinalou María Rivas.
Son esas as mesmas troitas que continúan dando sustento ao concello, que hoxe as aproveita para festexar un dos eventos gastronómicos máis singulares de Galicia. Así o destacou a subdelegada do Goberno, que aproveitou para pór en valor o compromiso das xentes de Sobrado dúas Monxes coa súa tradición, “mellorando a festa a cada ano que pasa”. “É un pracer para min e para Marcial corresponder ao voso agarimo e compartir este acto con todos e todas vós”, apuntou a subdelegada.
Marcial Mouzo, durante a súa intervención no pregón, destacou tamén a gastronomía sobradesa, destacando os numerosos pratos que se elaboran na festa e no cotián coa troita como materia prima. O presentador tivo tamén palabras para antigos pregoeiros. A dúo, María Rivas e Marcial Mouzo convidaron ás e aos sobradeses unhas felices festas e un bo xantar.
Un Goberno comprometido co rural
María Rivas puxo en valor desde Sobrado dous Monxes os programas que o Goberno está a levar a cabo no rural, como o da ‘Administración preto de ti’ ou o programa de carteiros rurais, ambos coa finalidade de que a cidadanía do rural, sobre todo a de maior idade, coñeza e teña a posibilidade de realizar trámites desde a súa localidade. Na mesma liña foi o xa finalizado da Axencia Tributaria, que permitía aos maiores de 65 anos realizar a súa declaración da renda desde as instalacións do seu concello e con axuda de persoal especialista.
Otro dos programas que a subdelegada subliñou foi o UNICO-Banda Larga, que executou 19,4 millóns de euros neste 2024 para estender a banda larga ao conxunto de Galicia e 53,2 millóns para ofrecer conexión 5G nas zonas rurais. Valorou, en definitiva, o impacto do Plan de Recuperación, Transformación e Resiliencia do Goberno de España, “que posibilita unha Galicia mellor con case 4.000 millóns de euros investidos no territorio e un impacto que repercute directamente no día a día de todos os cidadáns e cidadás”.
María Rivas reivindica en Sobrado dous Monxes a súa beleza cultural e natural e pon en valor a súa gastronomía, coa troita como buque insignia indiscutible
11/08/2024
La subdelegada do Goberno foi a pregoeira da Festa da Troita, xunto ao presentador Marcial Mouzo Con as súas palabras, Rivas percorreu a xeografía de Sobrado, destacando os seus puntos máis importantes e atendendo tamén á súa historia Felicitó aos veciños e veciñas pola Festa e agradeceulles elixila como pregoeira, así como ao alcalde Lisardo Santos Rivas lembrou o compromiso do Goberno co rural, destacando programas como ‘La Administración preto de ti’ ou o UNICO-Banda Larga