El delegado do Goberno en Galicia, Pedro Blanco, supervisou esta semana o fin dos traballos de acondicionamento da senda peonil entre Cabo Villano e o Cemiterio dos Ingleses, situado en Camariñas. Pedro Blanco percorreu parte da obra xunto con a alcaldesa de Camariñas, Sandra Insua, e o xefe en funcións da Demarcación de costas do Estado en Galicia, Carlos Gil. Alí avanzou que a actuación estará completada antes do fin deste mes de novembro. El Ministerio para a Transición Ecolóxica e o Reto Demográfico inviste neste proxecto 1.946.742,38 euros de fondos do Plan de Recuperación, Transformación e Resiliencia, a través do Fondo de Restauración Ecolóxica e Resiliencia (FRER).
Durante a súa visita, o delegado do Goberno destacou a importancia desta iniciativa para o municipio de Camariñas e para a conservación do ecosistema da zona costeira. Ademais, resaltou o compromiso do Goberno de España no financiamento de proxectos que contribúan ao desenvolvemento sustentable e á protección do medio ambiente en Galicia.
Pedro Blanco lembrou que o Plan de Recuperación “está a chegar a todos os concellos das catro provincias de Galicia e que axuda a mellorar a vida dos galegos e as galegas”. Destacou que “esta paisaxe espectacular conta co pleno respaldo do Goberno para a súa conservación, non só polo seu valor intrínseco, senón tamén polo impacto turístico e económico que xera en Camariñas”. Así, sinalou que tras a finalización das obras, a senda peonil entre Cabo Villano e o Cemiterio dos Ingleses “será un espazo seguro e ordenado, que garanta a conservación e preservación do Dominio Público Marítimo Terrestre e promova un bo uso e seguro dos camiñantes que percorren a Ruta dos Faros”.
Características técnicas
O proxecto ten como obxectivo principal preservar e conservar o ecosistema natural do Dominio Público Marítimo Terrestre (D.P.M.T.). Para iso, lévanse a cabo diversas actuacións, entre as que destacan o acondicionamento do carreiro existente, a disposición dunha senda peonil de 1,60 metros de largo, redución do largo do tramo de tránsito de vehículos de emerxencia e servizo, entre outras actuacións. Con isto búscase diminuír a presión sobre a D.P.M.T., solucionar as alteracións sobre o firme e garantir a protección da costa.