Ourense, 12 de setembro de 2023.- O Subdelegado do Goberno, Emilio González, destaca a gran eficiencia dos traballadores e traballadoras e a redución dos contenciosos da subdelegación do Goberno de Ourense nos anos 2021 e 2022 grazas á instalación de medidas como a cita previa e a atención telefónica, entre outras. A mellora informática, o maior número de servizos e a cantidade de traballo son unhas das razóns polas cales esta subdelegación recibe ano tras ano o Selo de Excelencia.
Emilio González quixo destacar que “avanzamos no ámbito informático cara a unha administración máis dixital coa plena incorporación do teletrabajo para os funcionarios e as funcionarias, e achegouse de maneira máis activa a administración ao cidadán, sendo a subdelegación do Estado con maior número de atención e acollida dentro do programa “A Administración preto de ti””.
Ademais, aproveitou a ocasión para pór en valor o compromiso da subdelegación do Goberno coa “educación e a formación educativa dos mozos” sendo pioneiros na incorporación do seguimento das charlas enmarcadas dentro do Plan Director nos centros educativos da provincia, como punto da orde do día das Xuntas Locais de Seguridade permitindo establecer unha maior coordinación e información tamén ás Anpas
Oficina de estranxeiría
Dentro de a subdelegación, destacou o traballo dos departamentos de Estranxeiría, Rexistro ou Violencia de Género. Coa implementación do novo regulamento de estranxeiría, que supuxo a ampliación en persoal da OEX e que mellora os recursos descentralizados da Administración Territorial. Adeás, a dependencia tramitou máis de 2.000 expedientes de traballo e residencia, así como atendido máis de 10.000 consultas grazas á instuaración de consultas mediante correo electrónico.
Oficina de atención ao cidadán
En Registro, duplicouse a atención ao cidadán na oficina de traballo, tanto presencial, como telefonicamente, como por escrito. E realizáronse máis de 50.000 trámites e máis de 4.000 certificados dixitais. Todo iso en prol de achegar a administración ao cidadán e mellorar e acelerar os trámites burocráticos.
Viogen
Desde o departamento de Violencia de Género destacou o gran número de mesas de coordinación, 16, e as numerosas actividades levadas a cabo para seguir loitando contra a violencia machista. 6 novos concellos asinaron o convenio de Viogen e realizáronse os correspondentes seguimentos de todas as vítimas así como a formación de profesionais na materia.
O Subdelegado, ademais, puxo en valor xestión da intensa campaña de incendios por parte da unidade de Protección Civil, a vaga de incendios de Valdeorras do verán pasado. Esta unidade tamén se encargou da atención e información pública dos cidadáns nos proxectos expostos polo Ministerio, como a “supresión dos pasos a nivel” ou o “Plan de Rehabilitación de pontes”.
Por último, o subdelegado destacou o gran traballo de xestión da administración territorial e os procesos electorais deste ano/este ano, polo cal “agradezo o traballo da coordinación de todo o persoal”.