La Subdelegada do Goberno nA Coruña, María Rivas visitou a glorieta de Rúa de Francos en Teo, para comprobar os traballos de modificación da glorieta, que contaron cun investimento da 217.654 euros. A subdelegada estivo acompañada na súa visita polo alcalde de Teo, Rafael Sisto, a concelleira e portavoz do Psoe, Uxía Lemus e o xefe da Demarcación de Estradas do Estado en Galicia, Angel González do Río.
María Rivas destacou “o esforzo investidor que o Goberno de España está a realizar na conservación e mantemento da rede de estradas do estado na provincia: máis de 75 millóns de euros desde 2018” Insistiu no “compromiso claro e firme deste Goberno por recuperar o tempo perdido nas infraestruturas da provincia, desbloqueando proxectos demandados desde hai tempo como é o caso desta glorieta”.
Os traballos na glorieta de Teo consistiron na transformación da intersección existente no punto quilométrico 72 da N-550 que era unha glorieta partida, por unha glorieta pechada, moito máis segura. Ademais implantouse un itinerario peonil entre as dúas paradas de autobús que hai neste tramo mediante a creación de beirarrúas e un novo paso de peóns regulado con semáforo de pulsador.
En este sentido María Rivas sinalou que “incrementar a seguridade neste tramo, construír beirarrúas para poder acceder ás paradas de autobús ou instalar un semáforo e un paso de peóns son actuacións básicas pero que a cidadanía demanda e precisa”
A subdelegada subliñou que ás veces as actuacións importantes non son só as “grandes obras que acaparan titulares senón intervencións máis sinxelas pero que melloran notablemente a calidade de vida das veciñas e os veciños, como é o caso desta glorieta”.
Por este tramo da N-550 circulan cada día unha media de 18.000 vehículos cada día, dos que un 6% son vehículos pesados.
Esta actuación forma parte do programa de conservación e mantemento da Rede de Estradas do Estado que supón un impulso significativo para mellorar as infraestruturas viarias.
Características Técnicas
En cuanto a as características técnicas, as principais actuacións realizadas coas obras foron:
• Modificación da intersección situada no punto quilométrico 72 de acceso a Lampai e Faramello transformándoa nunha glorieta pechada.
• Adecuación e mellora da sinalización vertical e horizontal para acomodala á nova configuración, que inclúe a instalación dunha nova bandeirola, así como a prohibición de xiros a esquerdas entre os puntos quilométricos. 72,0 ao 72,6, dado que coa nova glorieta executada, poden efectuarse os xiros, utilizando as glorietas existentes ao principio e final deste tramo.
• Execución dun paso de peóns no punto quilométrico 72,5 así como a colocación dun semáforo con pulsador co obxecto de dotar ao tramo dunha maior seguridade para o cruzamento peonil.
• Construción de beirarrúas que configuran un itinerario seguro entre as paradas de autobús situadas en ambas as marxes da estrada estatal.
• Acondicionamiento das paradas de bus nas súas novas localizacións tras a execución da glorieta.
• Instalación de sistemas de contención de vehículos, así como traslado de luminarias e instalación de dos luminarias adicionales.