O Ministerio de Educación e Formación Profesional publicou no Boletín Oficial do Estado un máximo de 2400 bolsas para a participación nun programa de inmersión lingüística en inglés en España en réxime de internado e pensión completa, dunha semana de duración, no mes de xullo deste mesmo ano.
Os requisitos para poder optar a estas bolsas son:
· Nacer entre o 1 de xaneiro de 2003 e o 31 de decembro de 2006.
· Estar matriculado durante o presente curso nalgúns dos seguintes estudos: Bacharelato, ensinos profesionais de música e danza, Grao medio de artes plásticas e deseño, Grao medio de ensinos deportivos e ensinos de idiomas de nivel intermedio ou avanzado.
· Obter a condición de bolseiro no curso 22-23 do MEFP nalgúns dos estudos indicados no apartado anterior.
· Ter aprobadas todas as materias do curso pasado, cunha nota final mínimo de 9 na materia de inglés.
Os solicitantes deberán cubrir a solicitude mediante formulario accesible por internet na dirección http://www.educacionyfp.gob.es a través da sede electrónica do MEFP, no apartado correspondente a “Buscar Trámites”.
A adxudicación da bolsa dará lugar á asignación de praza para participar na actividade. No entanto, para completar o prezo total do curso, os beneficiarios terán que aboar necesariamente 100 euros á empresa adxudicataria do contrato. O traslado do alumno ou alumna desde o seu domicilio ao centro de destino correrá a cargo deste.
A selección de candidatos farase ordenando aos solicitantes que cumpren os requisitos en función da nota obtida na materia de inglés. Ademais, á esta nota sumaranse 1,50 puntos cando o solicitante sexa de nova adxudicación.