O ministro de Política Territorial e Memoria Democrática, Anxo Víctor Torres, reuniuse hoxe co embaixador de Cuba en España, Marcelino Medina, para tratar sobre a ampliación do prazo para que os descendentes de españois exiliados á illa caribeña durante a Guerra Civil poidan solicitar a nacionalidade española.
O Ministerio vai prorrogar un ano máis, ata finais de 2025, o período para que os familiares poidan realizar as solicitudes, tal e como se recolle na Lei de Memoria Democrática do ano 2022.
“Trasladei ao embaixador de Cuba que visitaremos os países que acolleron aos exiliados, para dar toda a información sobre os trámites. Consideramos que é unha boa noticia para aqueles que queren adquirir a nacionalidade española”, sinalou o ministro.
Ao Consulado de España nA Habana chegaron, ata o 31 de xaneiro deste ano/este ano, un total de 36.117 solicitudes de nacionalidade. 24.087 foron aprobadas e 19.359 persoas xa están inscritas. Só foron denegadas 358 pedimentos.