- O INAP contribúe á aprendizaxe colectiva de 1.500 empregadas e empregados públicos sobre conceptos básicos en igualdade de xénero, políticas públicas para a igualdade de oportunidades, igualdade de xénero nas administracións públicas, cidadanía activa para a igualdade e aprendizaxe transversal en desenvolvemento de competencias dixitais
- Os días 3, 10, 17 e 24 de xuño desenvolveranse en directo, a partir das 17.30h, sesións en aberto na Canle INAP en Youtube
O Instituto Nacional de Administración Pública (INAP) pon en marcha, no marco do Plan de Formación 2021, a segunda edición da experiencia de aprendizaxe Fundamentos sobre a igualdade entre mulleres e homes #AprendeIgualdad.
O INAP inclúe desde 2020 na súa oferta formativa actividades na modalidade en liña dinamizada, que promoven a colaboración a través de experiencias de aprendizaxe horizontal nas que un equipo de dinamización acompaña, motiva, guía e visibiliza a aprendizaxe de 1.500 participantes.
Esta iniciativa enmárcase dentro do I Plan de Formación en Igualdade e non Discriminación do INAP 2020-2022, co obxectivo de contribuír a facer realidade o principio de igualdade de oportunidades, promover unha Administración máis plural, diversa e representativa de toda a cidadanía e avanzar cara a unha sociedade máis xusta e igualitaria, promovendo as condicións para que a liberdade e a igualdade sexan reais e efectivas e removendo os obstáculos que impidan ou dificulten a súa plenitude.
Eventos de aprendizaxe en aberto
As actividades en liña dinamizadas contan cunha serie de eventos que se retransmiten en aberto a través da Canle INAP en Youtube. Os eventos de #AprendeIgualdad vinculados con esta actividade, nos que poderán participar as persoas interesadas, terán lugar os días 3, 10, 17 e 24 de xuño a partir das 17:30h.
Blogue de aprendizaxe conectada
Doutra banda, no blogue de aprendizaxe do INAP publicarase cada semana o resumo de contidos dos retos semanais compartidos polos participantes.