Os datos do primeiro período de cambio ordinario de 2021 reflicten 15.299 modificacións, fronte a 27.638 en 2020, un 44,6% menos.
Notable avance das solicitudes dos mutualistas por vía dixital, un 64% máis.
Madrid, 11 de febreiro de 2021. - A Mutualidade Xeral de Funcionarios Civís do Estado (MUFACE) pechou o prazo de admisión de solicitudes correspondente ao primeiro período de cambio de entidade de 2021, co balance dun descenso importante de solicitudes de cambio.
Os mutualistas e os seus beneficiarios son aproximadamente millón e medio e, en xaneiro de 2021, rexistráronse un total de 15.299 modificacións, fronte ás 27.638 que se produciron en 2020, é dicir, un 44,6% menos, o que pon de manifesto a estabilidade do sistema.
A Mutualidade, como xa fixo o pasado mes de xuño, informou aos mutualistas con antelación sobre as vías para realizar a solicitude de cambio sen necesidade de achegarse á oficina, aínda que deixando aberta esta posibilidade, sempre con cita previa. O cambio pode realizarse tamén a través da sede electrónica ou remitindo o impreso por correo postal. Mantivéronse por tanto todas as canles abertas, como sucedeu durante toda a pandemia, tendo así en conta a fenda dixital dos distintos segmentos do colectivo.
O número de persoas que cambiaron de entidade concertada ao INSS, ou viceversa, e tamén entre as aseguradoras, mantense practicamente nas mesmas porcentaxes que en ene ou de 2020, de tal maneira que o colectivo adscrito a entidades concertadas segue sendo dun 76%, fronte ao 24% por cento que elixiu a opción pública.
Como datos máis relevantes, destaca o Instituto Nacional da Seguridade Social (INSS) cun saldo neto positivo de 3.280 mutualistas máis asegurados, xunto con DKV, que gaña 1.815 neste primeiro período de cambio de entidade.
Respecto da tipoloxía, non se pode marcar unha tendencia como predominante, pois os cambios responden a circunstancias persoais de idade, patoloxía, tipode beneficiarios ou lugar de residencia, entre outras variables.
Máis solicitudes por vía dixital
Outro dato a destacar deste primeiro período de cambio de entidade de 2021 é o aumento significativo na tendencia, cada vez máis consolidada, de utilización da sede electrónica: mentres que en xaneiro de 2020 utilizaron este servizo un 55% dos mutualistas, en xaneiro de 2021 foron un 64% os que optaron por evitar o desprazamento ás oficinas ou o correo postal.
Se comparamos estes datos coa porcentaxe de uso do servizo electrónico xeral en 2019, que foi dun 16,7 por certo, vemos reflectido o importante avance da utilización dos servizos electrónicos da Mutualidade.
En resumo, en 2021 rexistrouse un exercicio prudente do dereito de cambio de entidade, dereito que é a base do sistema MUFACE, e un significativo avance no uso dos servizos dixitais.