A ministra de Política Territorial e Función Pública, Carolina Darias, fixo un chamamento para celebrar este Nadal facendo aquilo que sabemos mantén baixo control ao virus: “Estou convencida de que o mellor agasallo que podemos facernos este nadal é regalarnos vidas”.
O noso horizonte de esperanza está máis cerca, engadiu a ministra, “a estratexia única de vacinación de España pono de manifesto, pero temos que chegar nas mellores condicións para cando cheguen as vacinas ao noso país”.
Carolina Darias, que compareceu en roda de prensa xunto ao ministro de Sanidade, Salvador Illa, ao termo da reunión do Consello Interterritorial do Sistema Nacional de Saúde, subliñou a importancia do acordo adoptado hoxe sobre medidas nas festas do Nadal, “un paso máis na cogobernanza e na adopción de medidas para conter a propagación do virus de maneira conxunta. As medidas son o resultado do traballo previo realizado polo Ministerio de Sanidade e polas CCAA e vannos a permitir a celebración dun Nadal diferente”.