Un total de 1.023 empregadas e empregados públicos da Administración Xeral do Estado (AGE) están a colaborar de forma voluntaria en áreas de carácter sanitario, sociosanitario e de protección de colectivos vulnerables, acolléndose á disposición 18ª do Real Decreto-lei 11/2020, sobre medidas urxentes complementarias no ámbito social e económico para facer fronte á COVID-19.
Destes voluntarios, destacan os 489 empregados e empregadas públicos destinados en Madrid, onde hai un maior número de efectivos da AGE, pero tamén hai voluntarios que traballan noutros territorios, por exemplo, 109 de Andalucía, 52 da Comunitat Valenciana, 52 de Asturias, 48 de Castela e León, 46 de Cataluña, 46 de Galicia e 42 de Aragón.